NTʼUDI 28
Úhtite ge gi mädí kʼa bi o̱te kʼa Jehová ko kʼa Hesu po nuke
¿Té gi tsoge mu̱ ʼna ri amigo da naʼki ʼna chala regalo? Gi ndo̱ mpoho, nihi gi ne gi úhtibi kʼa ri amigo ge gi ndo̱ mädí genkʼa regalo. Kʼa Jehová ko kʼa Hesu xi nahkígihu̱ kʼa regalo má ra ndo̱ zo di höníhu̱: kʼa nkjutʼi. Ma núhu̱ ankja da zo go úhtitehu̱ ge di ʼunihu̱ kjamädí.
1. ¿Ankja da zo go úhtitehu̱ ge di mädíhu̱ kʼa bi o̱te kʼa Tsi Mähkí Tá ko kʼa Kristo po nugohu̱?
Nu̱ Biblia i mä ge kʼa tó da “úhtite ge i íhkjibi”—kʼa Hesu—zäi da zo da ʼmu̱i (Juan 3:16). ¿Ankja i tʼúhtite ge i tʼíhkjibi kʼa Hesu? Hi ho̱nse go mähmu̱ ge di íhkjibihu̱; má ra zo go úhtitehu̱ ge di íhkjibihu̱ ko goʼtho kʼa di pe̱hmu̱ (Santiago 2:17). Mu̱ di úhtitehu̱ nu ma íhkjihu̱ ko goʼtho kʼa di pe̱hmu̱ nihi ko kʼa di mähmu̱, i kjá má go mädíhu̱ kʼa Hesu ko kʼa ro Tá Jehová (xödí Juan 14:21).
2. ¿Kjäʼmu̱ da zo go úhtibihu̱ kʼa Jehová ko kʼa Hesu ge di ʼunihu̱ kjamädí po kʼa bi o̱teui?
Kʼa nxui ante di dú, kʼa Hesu bi xiʼ ku̱ yo te̱nite ge nihi mi ʼbu̱i té pi má di zo di me̱hmu̱ pa di úhtitehu̱ ge di ʼunihu̱ kjamädí po kʼa di me̱fí. Bi muntsi ku̱ yo te̱nite pa di kjáhu̱ kʼa i mä nu̱ Biblia: “ro Ntʼoxi kʼa Nzoya” nihi i tʼimbi Hmuntsi pa da Phimbi ro dú kʼa Kristo (1 Corintios 11:20). Kʼa Hesu bi o̱te nuná pa ku̱ yo apóstol—genkʼa mpa yu̱ chala kristiano bi mu̱dí bi kjáhu̱ nkjanu̱—di benihu̱ ge gege bi ʼun kʼa ro nzahki po goʼtho yu̱ kjäʼni. Ma benihu̱ kʼa bi mä kʼa Hesu gehkʼa mpa: “Gi ndee gi o̱tehu̱ gehna pa gi bembigihu̱” (Lucas 22:19). Mu̱ gi maʼ ha kʼa Hmuntsi pa da Phimbi ro dú kʼa Hesu, gra úhtite ge gi ʼuni kjamädí kʼa Jehová ko kʼa Hesu po kʼa hmädí i tso po nugohu̱.
MA PÄDIHU̱ MÁ RA NGU DE NU̱ TEMA
Ma núhu̱ té pi má da zo go pe̱hmu̱ pa go ʼunihu̱ kjamädí kʼa Jehová ko kʼa Hesu po kʼa hmädí i tso po nugohu̱. Nihi ma núhu̱ ó ra ndo̱ zo da tʼo̱te kʼa Hmuntsi pa da Phimbi ro dú kʼa Hesu.
3. ¿Té da zo go pe̱hmu̱ pa go úhtitehu̱ ge di ʼunihu̱ kjamädí?
Mbeni ge gra kjäti nihi tó bi möxkí. ¿Kja mix ki däbeni kʼa bi me̱fí kʼa kjäʼni po nuke? ¿Gua gi nú ankja da zo gi ʼuni kjamädí?
Di tuhpíbihu̱ nu ma nzakihu̱ kʼa Jehová. Xödíhu̱ 1 Juan 4:8-10 nihi ñähu̱ de gehna:
¿Ó ra ndo̱ zo kʼa bi me̱ʼ kʼa Hesu po nuke?
¿Té gi tsoge mu̱ gi beni kʼa bi me̱ʼ kʼa Jehová ko kʼa ro Tʼu̱ po nuke?
¿Ankja da zo go úhtitehu̱ ge di mädíhu̱ kʼa bi me̱ʼ kʼa Jehová ko kʼa Hesu po nugohu̱? Xödíhu̱ 2 Corintios 5:15 ko kʼa 1 Juan 4:11 nihi 5:3. Mu̱ gi guadi gi xödíhu̱ kada ʼna de yu̱ xe̱ni, ñähu̱ de gehna:
¿Ankja da zo go úhtitehu̱ ge di kjamädíhu̱?
4. Ma kjáhu̱ kʼa bi me̱ʼ kʼa Hesu
Nihi da zo gi úhtite ge gi ʼuni nkjamädí mu̱ gi kjá kʼa bi o̱te kʼa Hesu. Xödíhu̱ 1 Pedro 2:21 nihi ñähu̱ de gehna:
¿Ankja hin gi hie̱gí gi kjá kʼa bi me̱ʼ kʼa Hesu?
Kʼa Hesu mi mädí kʼa ro hñä kʼa Tsi Mähkí Tá, mi úhtite yu̱ chala noticia nihi mi fötsí ku̱ kjäʼni.
5. Di pöhme ha kʼa Hmuntsi pa da Phimbi ro dú kʼa Kristo
Pa go pädihu̱ kʼa bi thogi kʼa ʼme̱tʼo bes bi tʼo̱te kʼa ro Ntʼoxi kʼa Nzoya, xödíhu̱ Lucas 22:14, 19, 20. ʼMe̱fa ñähu̱ de gehna:
¿Té bi thogi ha kʼa ro Ntʼoxi kʼa Nzoya?
¿Té i ne da mä kʼa thuhmí ko kʼa íthe? (Núhu̱ ku̱ xe̱ni 19 ko nu̱ 20).
Kʼa Hesu mi ne ge ku̱ yo te̱nite di benihu̱ kʼa ro Ntʼoxi kʼa Nzoya ʼna bes kada kjea, mu̱ i cho̱x kʼa mpa. Nsohtho, yu̱ testigo ga Jehová di hmuntsihe goʼtho yu̱ kjea pa go benihe ro dú kʼa Kristo nihi di kjáhe ngu bi kjá gege. Pa go pädihu̱ a i nkja nuná hmuntsi ra ndo̱ zo, núhu̱ nu̱ VIDEO. ʼMe̱fa ñähu̱ de gehna:
¿Té i nkjá ha kʼa Hmuntsi pa da Phimbi ro dú kʼa Hesu?
Kʼa thuhmí ko kʼa íthe i úhtigihu̱ nuná: Kʼa thuhmí i úhtigihu̱ ge kʼa ro ndoʼyo kʼa Hesu ge bi ʼuni po goʼtho nugohu̱ hi mi peʼtsi tsʼohkí. Kʼa íthe i ne da mä kʼa ro kjí.
KʼA I MÄHMU̱ PIʼRA YÄ KJÄʼNI: “Pa hin gi tú, ho̱nse petsite gi íhkjibi kʼa Hesu”.
¿Ankja da zo gi kju̱ Juan 3:16 ko kʼa Santiago 2:17 pa gi úhtite ge ʼbu̱i té má da zo da tʼo̱te?
KʼA KO PÄDI
Di úhtitehu̱ ge di kjamädíhu̱ kʼa bi me̱ʼ kʼa Hesu po nugohu̱, mu̱ di íhkjibihu̱ nihi mu̱ di pöhmu̱ ha kʼa Hmuntsi pa da Phimbi ro dú.
Kʼa to núhu̱
¿Ankja i tʼúhtite ge i tʼíhkjibi kʼa Hesu?
¿Gi ne gi úhtibi kʼa Jehová ko kʼa Hesu ge gi mädí kʼa bi kjáui po nuke? ¿Ankja da zo gi kjá?
¿Ó ra ndo̱ zo gi maʼ ha kʼa Hmuntsi pa da Phimbi ro dú kʼa Hesu?
MÁ GI PÄDI DE GEHNA
ʼYo̱de té ʼbenkʼa da kjá go pe̱hmu̱ kʼa ro dú kʼa Kristo.
Má gi pädi de nu̱ íhkji nihi ankja da zo gi úhtite.
“Ma íhkjihu̱ ku̱ xi ñähtígihu̱ kʼa Jehová” (La Atalaya, octubre de 2016)
Mu̱ nga bädi ʼna ʼbe̱hña kʼa bi me̱ʼ kʼa Hesu, bi mbödi kʼa ro nzahki. Xödí kʼa bi thogi, abu̱ i mä “Di tso ge nuyá má ra nchala nu ma nzahki nihi má di ʼbu̱i ra zo”.
“Nu̱ Biblia bi kjá di mbödihu̱ ku̱ yo nzahki” (La Atalaya, 1 de agosto de 2011)
Nú ó tengutho ku̱ i tsi kʼa thuhmí ko kʼa íthe ha kʼa Hmuntsi pa da Phimbi ro dú kʼa Hesu.