NTʼUDI 33
Kʼa da o̱te ro Reino kʼa Tsi Mähkí Tá
Kʼa ro Reino kʼa Tsi Mähkí Tá ya i mända. Ya hin da ndé pa da kjá da mbödi goʼtho nu̱ Ximojoi. Ma núhu̱ ku̱ ra ndo̱ zo da o̱te kʼa ro Reino kʼa Tsi Mähkí Tá nihi ó ra zo ge nuke gi to̱ʼmi ko ndunthi mpoho.
1. ¿Té da me̱ʼ kʼa Reino kʼa Tsi Mähkí Tá pa ya hin da nkja yä ntú nihi da nkja kʼa ra zo ha nu̱ Ximojoi?
Ha kʼa ntú ga Armagedón, kʼa Hesu—kʼa Ndä de kʼa ro Reino kʼa Tsi Mähkí Tá—da ma gu̱ʼtsí yu̱ kjäʼni i kjáhu̱ ku̱ ra ntsʼo nihi da gu̱ʼtsí yu̱ gobierno (Apocalipsis 16:14, 16). Mu̱ ta zo̱ho̱ genkʼa mpa, gehna hñähtí ba íʼ ha nu̱ Biblia ya tro thogi: “ʼBe̱htho chichu̱, pa ge yä tsʼo kjäʼni da nkjoʼohu̱” (Salmo 37:10). Po madé nuná gobierno, kʼa Hesu da kjá ge yä kjäʼni da ʼmu̱i ra zo nihi kjoʼtho da ntú po goʼtho nu̱ Ximojoi (xödí Isaías 11:4).
2. ¿A da nkja nu̱ nzahki ha nu̱ Ximojoi mu̱ kʼa Tsi Mähkí Tá da kjá ngu i ne?
Mu̱ ta mända kʼa ro Reino kʼa Tsi Mähkí Tá, “kʼa joi da nkja yo me̱hti de yu̱ kjäʼni i pe̱hmu̱ kʼa ra zo xo gegehu̱ da ma ʼmu̱fu̱ pa zäi” (Salmo 37:29). ¡Mbeni a da nkja nu̱ nzahki mu̱ goʼtho yu̱ kjäʼni da kjáhu̱ kʼa ra zo, da mädíhu̱ kʼa Jehová nihi mu̱ da nmädíhu̱ ʼra ko maʼra! Da nkja ra ndo̱ nchala ¿Häna? Nindi ʼna da hniní nihi goʼtho yu̱ kjäʼni zäi da ʼmu̱i.
3. ¿Té da me̱fí kʼa ro Reino kʼa Tsi Mähkí Tá mu̱ da gu̱ʼtsí yu̱ tsʼo kjäʼni?
Mu̱ da gu̱ʼtsí yu̱ tsʼo kjäʼni, kʼa Hesu da nkja Ndä po 1.000 yä kjea. Genku̱ mpa, kʼa Hesu ko ku̱ 144.000 da nkja Ndä ko gege, da mötsí yu̱ kjäʼni pa ya hin da meʼtsihu̱ kʼa tsʼohki. Mu̱ ta thege genku̱ kjea, goʼtho nu̱ Ximojoi da gohí ra nchala, ʼna luga abu̱ yu̱ kjäʼni da ndo̱ mpohmu̱ xo i o̱htehu̱ ku̱ yo hmända kʼa Jehová. Nkjanu̱, kʼa Hesu da koʼtsíbi kʼa gobierno de kʼa ro Tá, Jehová. Nihi kʼa ro thuhu de kʼa Tsi Mähkí Tá da ma tʼaxki ngu hi xi nkja (Mateo 6:9, 10). Nkjanu̱ da hnú ge kʼa Jehová i nkja ʼna chala Ndä nihi ge i födí kʼa ro hnini. ʼMe̱fa kʼa Jehová da gu̱ʼtsí kʼa Zithú ko yu̱ ʼu̱xkjua, nihi ko ku̱ kjäʼni hin da ne da ʼo̱hte kʼa Jehová (Apocalipsis 20:7-10). Goʼtho ku̱ ra zo da o̱te kʼa Reino de kʼa Tsi Mähkí Tá hin da thege.
MA PÄDIHU̱ MÁ RA NGU DE NU̱ TEMA
Ma núhu̱ ó ra zo go íhkjihu̱ ge ri mäní da ma nahkígihu̱ kʼa Tsi Mähkí Tá goʼtho ku̱ hñähtí i mä nu̱ Biblia po madé nu̱ ro Reino.
4. Kʼa ro Reino kʼa Tsi Mähkí Tá da ma gu̱ʼtsí yu̱ gobierno de yu̱ kjäʼni
“Nu̱ ʼño̱ho̱ xi doʼmi nu̱ ʼño̱ho̱ pa da kjáhpi kʼa ra ntsʼo” (Eclesiastés 8:9). Po madé nu̱ ro Reino, kʼa Jehová da ma gu̱ʼtsí goʼtho yu̱ ra ntsʼo i thogi nuyá.
Xödíhu̱ Daniel 2:44 ko nu̱ 2 Tesalonicenses 1:6-8, nihi ñähu̱ de gehna:
¿Té da ma kjáhpi kʼa Jehová ko kʼa Hesu, yu̱ gobierno de yu̱ kjäʼni ko yu̱ i fötsí?
¿Ankja i föxkí kʼa ko pädí de kʼa Jehová ko kʼa Hesu ge kʼa da ma kjáui ra ndo̱ zo pa goʼtho yu̱ kjäʼni?
5. Kʼa Hesu genkʼa Ndä má ra zo
Mu̱ ta nkja Ndä kʼa Hesu, da ma ʼuni goʼtho kʼa i höní ku̱ kjäʼni da ʼmu̱hkua ha nu̱ Ximojoi. Núhu̱ nu̱ VIDEO pa hin gi däbenihu̱ ankja kʼa Hesu i ne da mötsí yu̱ kjäʼni, nihi ankja kʼa Tsi Mähkí Tá xi ʼuni kʼa tse̱dí pa da kjá.
Ku̱ bi o̱te kʼa Hesu mu̱ nga ʼmu̱hkua ha nu̱ Ximojoi bi úhtigihu̱ kʼa da ma o̱te kʼa ro Reino. De yu̱ hñähtí ba íhkua, ¿ndänaku̱ má gi ne gi núge? Xödíhu̱ goʼtho yu̱ xe̱ni abu̱ gi töti gehya hñähtí.
HA NU̱ XIMOJOI, KʼA HESU... |
DESDE A JITSI, KʼA HESU... |
|---|---|
|
|
|
|
|
|
|
|
6. Kjamädí po kʼa ro Reino kʼa Tsi Mähkí Tá, go pe̱ʼtsihu̱ yä chala mpa pa ri mäní
Kʼa ro Reino kʼa Tsi Mähkí Tá da ma ʼuni yu̱ kjäʼni kʼa chala nzahki, ngu mi ne kʼa Jehová. Zäi da ʼmu̱fu̱ ha nu̱ Ximojoi mu̱ ta nkja ra ndo̱ nchala. Núhu̱ nu̱ VIDEO pa gi pädihu̱ ankja kʼa Jehová po madé kʼa ro tʼu̱ Hesu, da ma o̱te kʼa i ne.
Xödíhu̱ Salmo 145:16 nihi ñähu̱ de gehna:
¿Té gi tso mu̱ gi pädi ge kʼa Jehová da ma ʼuni goʼtho “kʼa da höní ku̱ da ma ʼmu̱i ha nu̱ ximojoi”?
KʼA I MÄHMU̱ PIʼRA YÄ KJÄʼNI: “Mu̱ goʼtho go mföxtehu̱, da zo go kju̱ʼtsíhu̱ yu̱ ra ntsʼo i thogi ha nu̱ ximojoi”.
¿Ndänaku̱ ra nthí da ma gu̱ʼtsí kʼa ro Reino kʼa Tsi Mähkí Tá ge hi i tso da gu̱ʼtsí yu̱ gobierno de yu̱ kjäʼni?
KʼA KO PÄDI
Nu̱ ro Reino kʼa Tsi Mähkí Tá da ma kjá kʼa mi beni. Da ma kjá ge goʼtho nu̱ ximojoi dra nchala, abu̱ yu̱ kjäʼni zäi da xo̱hkimbeni kʼa Jehová.
Kʼa to núhu̱
¿Té da me̱ʼ kʼa ro Reino kʼa Tsi Mähkí Tá pa da duhkí kʼa ro thuhu kʼa Jehová?
¿Ó di íhkjihu̱ ge kʼa ro Reino kʼa Tsi Mähkí Tá da ma o̱te goʼtho ku̱ i ñähtí nu̱ Biblia?
De goʼtho kʼa da ma o̱te nu̱ ro Reino kʼa Tsi Mähkí Tá, ¿ndänakʼa má gi ne gi núge?
MÁ GI PÄDI DE GEHNA
Pädi té ʼbenkʼa Armagedón.
Nú ku̱ da thogi mu̱ tra nkjá kʼa “ndo̱ tribulación” bi mä kʼa Hesu di thogi (Mateo 24:21).
¿Ankja yu̱ miní da zo da mbeni ge ya ra ʼbu̱fu̱ ha kʼa Chala Joi da ma o̱te kʼa Reino?
Nú kʼa mi mä ʼna ʼño̱ho̱: “mi kjá gua ʼñonfeni dunthi yä ntʼöni”, pädi ankja ʼna políhtiko bi döti kʼa ra zo mi höní.
“Nu̱ Biblia bi kjá di mbödihu̱ ku̱ yo nzahki” (La Atalaya, 1 de enero de 2012)