NTʼUDI 38
Go kjamädíhu̱ po nu̱ nzahki xi tʼahkígihu̱
I kja ndunthi kʼa té go pe̱hmu̱ ha nu̱ ma nzahkíhu̱ pa go mpohmu̱. Mahke di thogihu̱ ku̱ ra nthí, da zo go mpohmu̱ ko goʼtho yu̱ ra nchala i ʼbu̱i ha nu̱ nzahki. ¿Ankja da zo go úhtibihu̱ kʼa Jehová ge di mädíhu̱ gehna regalo? ¿Ndänakä rraso má ra zo pa go kjáhu̱?
1. ¿Ó ra zo go mädíhu̱ nu̱ nzahki?
Ra zo go mädíhu̱ nu̱ nzahki, xo i nkja ʼna chala regalo xi nahkígihu̱ nu̱ ma Táhu̱ Jehová. De gege “ri ʼníh nu̱ nzahki”, xo bi o̱te goʼtho yu̱ i peʼtsi nzanki (Salmo 36:9). “Gegese i ʼuni ro nzahki goʼtho yu̱ kjäʼni, i kjá da tsihñähu̱ nihi i ʼuni goʼtho kʼa i höníhu̱” (Hechos 17:25, 28). Nsohtho, kʼa Jehová i nahkígihu̱ goʼtho kʼa di höníhu̱ pa go ʼmu̱fu̱ ra zo. Nihi, i kjá ge zäi go mpohmu̱ (xödí Hechos 14:17).
2. ¿Ankja da zo go úhtibihu̱ kʼa Jehová ge di mädíhu̱ nu̱ nzahki xi nahkígihu̱?
Kʼa Jehová bi kähtiki, desde kʼa mpa bi ʼñu̱ kʼa ri mé. Kʼa ndä David bi xi’ k’a Jehová gehya hñä: “Ku̱ ri dö bi kähtigi mu̱ nga ʼñu̱ kʼa ma mé” (Salmo 139:16). Kʼa Jehová i ndo̱ mädí nu̱ ri nzahki (xödí Mateo 10:29-31). Gege da nde nsenti mu̱ ʼna kjäʼni da möʼti piʼna kjäʼni, nihi mu̱ ʼna i ne da mpöʼtise (Éxodo 20:13).a Nihi da ndo̱ nsenti mu̱ hin go hähu̱ ro guenda pa go födíhu̱ nu ma nzahkihu̱ o mu̱ hin go födíhu̱ ro nzahki de yu̱ maʼra. Mu̱ di födíhu̱ nu ma nzahkihu̱ nihi mu̱ di födíhu̱ ku̱ yo nzahki de yu̱ maʼra di úhtitehu̱ ge di ndo̱ mädíhu̱ nu̱ chala regalo de nu̱ nzahki.
MA PÄDIHU̱ MÁ RA NGU DE NU̱ TEMA
Ma núhu̱ ankja da zo go úhtitehu̱ ge di kjamädíhu̱ po nu̱ nzahki xi tʼahkígihu̱.
3. Mfödí pa hin gi hniní
Yu̱ kristiano xi xihmu̱ kʼa Jehová da pe̱hpíbihu̱, i kju̱hu̱ ku̱ yo nzahki ngu i ne gege. Xo ʼunihu̱ kʼa Jehová nu̱ ro ndoʼyohu̱ ngu ʼna hñähtí ra ntʼaxi, nsohtho petsite da födíhu̱ ku̱ yo nzahkihu̱ ra ndo̱ zo. Xödíhu̱ Romanos 12:1, 2 nihi ñähu̱ de gehna:
¿Ó ra zo gi mfödí pa hin gi hniní?
¿Ankja da zo gi kjá?
4. Hñä ro guenda pa gi födí nu̱ ri nzahkí nihi yo nzahki de yu̱ maʼra
Nu̱ Biblia i xihkígihu̱ go ndo̱ hähu̱ ro guenda kʼa di pe̱hmu̱ pa hin go ʼbe̱hmu̱ nu ma nzahkihu̱. Núhu̱ nu̱ VIDEO pa gi núhu̱ ankja da zo gi ʼmu̱fu̱ ra zo.
Xödíhu̱ Proverbios 22:3 nihi ñähu̱ de ankja ʼna da zo da mföxte pa da ʼmu̱i ra zo...
... ha nu̱ ro nguu.
... ha nu̱ ro ʼbe̱fí.
... mu̱ i ʼíni.
... mu̱ i e̱ o ba íʼ ha ʼna karro.
5. Mädí kʼa ro nzahki de ʼna tsi ʼuene ʼbe̱di da ʼmu̱i
Kʼa David bi mä ge kʼa Jehová i ndo̱ mädí ku̱ tsi ʼuene ʼbe̱di da ʼmu̱i. Xödíhu̱ Salmo 139:13-17 nihi ñähu̱ de gehna:
Pa kʼa Jehová, ¿kjäʼmu̱ i fu̱dí ro nzahki ʼna kjäʼni: kʼa mpa da ʼmu̱i, gua mu̱ nga ʼñu̱ kʼa ro mé?
Ku̱ hmända bi tʼuni kʼa hnini ga Israel mi födí ku̱ ʼbe̱hña kʼa ʼñu̱ nihi kʼa ro tsi ʼuene ʼbe̱dí di ʼmu̱i. Xödíhu̱ Éxodo 21:22, 23 nihi ñähu̱ de gehna:
¿Ankja mi nú kʼa Jehová ʼna kjäʼni mi pöʼti ʼna tsi ʼuene ʼbe̱htho di ʼmu̱i mahke hi mi ne di kjá?
Xiʼmu̱, ¿té i tso gege mu̱ ʼna kjäʼni hä i ne da möʼti ʼna tsi ʼuene ʼbe̱di da ʼmu̱i?b
Xi nuke, ¿ankja gi nú kʼa i beni kʼa Tsi Mähkí Tá?
Ta ʼna ʼbe̱hña i mädí nu̱ nzahki da beni ge xaʼtho da thogi mu̱ da ʼye̱y kʼa ro tsi ʼuene ʼbe̱di da ʼmu̱i. Xödíhu̱ Isaías 41:10 nihi ñähu̱ de gehna:
Mu̱ ʼna ʼbe̱hña i tsifí da ʼye̱y kʼa ro tsi ʼuene ʼbe̱di da ʼmu̱i, ¿tó da ohpí da mötsí pa hin da kjá? ¿Ó i nkjapu̱?
KʼA I MÄHMU̱ PIʼRA YÄ KJÄʼNI: “Kada ʼna de yu̱ ʼbe̱hña da zo da mä kja i ne da ʼñi kʼa ro ʼuene gua da ʼye̱y ante da ʼmu̱i”.
¿Ó gi pädi ge kʼa Jehová i ndo̱ mädí ro nzahki de ʼna ʼbe̱hña xi ʼñu̱ nihi de kʼa ro tsi ʼuene ʼbe̱htho da ʼmu̱i?
KʼA KO PÄDI
Nu̱ nzahki i nkja ʼna chala regalo de kʼa Jehová. Nu̱ Biblia i úhtigihu̱ ankja go födíhu̱, nihi go mädíhu̱ nu ma nzahkíhu̱ ko nu̱ ro nzahki de yu̱ maʼra.
Kʼa to núhu̱
¿Ó di pädihu̱ ge kʼa Jehová i ndo̱ mädí ro nzahki de yu̱ kjäʼni?
¿Té i tso kʼa Jehová mu̱ ʼna kjäʼni da mpöʼtise o da möʼti piʼna kjäʼni?
¿Té ʼbenkä má gi nú ra zo de nu̱ nzahki xi tʼahkígihu̱?
MÁ GI PÄDI DE GEHNA
¿Ankja da zo go ʼunihu̱ kjamädí kʼa Jehová po nu̱ chala regalo de nu̱ nzahki?
¿Kja da zo da däbeni kʼa Tsi Mähkí Tá mu̱ ʼna ʼbe̱hña bi ʼye̱ngi kʼa ro tsi ʼuene ante di ʼmu̱i?
“¿Té i mä nu̱ Biblia mu̱ da böʼti ʼna tsi ʼuene ante da ʼmu̱i?” (Artículo de jw.org)
Nú ankja da zo da möxkígihu̱ kʼa Tsi Mähkí Tá pa go juahnihu̱ kʼa ntʼíni di ne go ʼínihu̱.
¿Xiʼmu̱ ʼna kjäʼni xi beni da mpöʼtise? Nú ku̱ ntʼsofo i nahkígihu̱ nu̱ Biblia.
a Kʼa Jehová i ndo̱ ʼñonfeni po ku̱ i peʼtsi ʼna koraso xi nxe̱ni (Salmo 34:18). Gege i pädi kʼa i tso yu̱ kjäʼni xi mbeni da mpöʼtise, nsohtho i ne da mötsí ku̱ tó i beni nkjanu̱. Nú ankja da zo da möxkí ku̱ ntʼsofo xi nthutsí abu̱ i mä “¿Da zo da möxkígi nu̱ Biblia mu̱ ya hin di ne go ʼmu̱i nihi mu̱ to beni go mpöʼtise?”, ge ba íhi abu̱ i mä “Má gi pädi de gehna” ha gehna ntʼudi.
b Ku̱ tó bi ʼye̱ngi o bi möʼti ku̱ yo tsi ʼuene mu̱ ʼbe̱htho di ʼmu̱i hi ra zo da nde da ʼñonfeni, xo kʼa Jehová i ne da däbeni kʼa bi me̱hmu̱. Má gi töti de nuná tema ha nu̱ he̱ʼmi i mä “¿Té i mä nu̱ Biblia mu̱ da böʼti ʼna tsi ʼuene ante da ʼmu̱i?”, ge ba íhi abu̱ i mä “Má gi pädi de gehna” a ri guadi nuná ntʼudi.