¿Kja ya i tso go kjá?
¿Kja ya i tso go maʼ úhtite de nu̱ Biblia ko nu̱ hmuntsi?
Nuke da zo gi úhtite de nu̱ Biblia mahke hi ko nxixthe mu̱...
... zäi gi xödí nu̱ Biblia, mu̱ gi nzoʼ kʼa Tsi Mähkí Tá nihi mu̱ gi paʼ ha yu̱ hmuntsi.
... gi íhkji nihi mu̱ gi nú ge ra ndo̱ zo kʼa gra pädi, nihi mu̱ gi xifí yu̱ maʼra kʼa gra pädi.
... nuke ko ku̱ ri amigo gi mädíhu̱ kʼa Jehová.
... ko ʼuege de nu̱ políhtika nihi de yu̱ íhkji i mä yä ʼbe̱thrí.
... gi kjá ku̱ yo hmända kʼa Tsi Mähkí Tá ha nu̱ ri nzahki nihi mu̱ gi ne gi nkja testigo ga Jehová.
Mu̱ gi beni ge ya i tso gi po̱ni gi maʼ úhtite de nu̱ Biblia ko nu̱ hmuntsi, kʼa tó i úhtiki de nu̱ Biblia da xiʼ ku̱ anciano, gegehu̱ da nzoʼki pa da núhu̱ kja gi kjá kʼa i tʼödí pa da zo gi po̱ni.
¿Kja ya i tso go nxixthe?
Nuke da zo gi nxixthe mu̱...
... gi úhtite de nu̱ Biblia mahke hiʼbe gi nxixthe.
... gi úhtite de nu̱ Biblia ku̱ mpa ko ʼuehke, mahke da thogi kʼa da thogi.
... gi ʼo̱hte kʼa “me̱fí hi i ʼuege nihi i kjá ra zo kʼa ro ʼbe̱fí” (esclavo fiel y prudente) nihi mu̱ gi kjá kʼa i mä gege (Mateo 24:45-47).
... ko nzoʼ kʼa Jehová pa gi xifí ge gi ʼuni nu̱ ri nzahki pa zäi gi pe̱hpíbi.
Mu̱ gi beni ge ya i tso gi nxixthe, kʼa tó i úhtiki de nu̱ Biblia da xiʼ ku̱ anciano, gegehu̱ da nzoʼki pa da núhu̱ kja gi kjá kʼa i tʼödí pa da zo gi nxixthe.