NTʼUDI 27
¿Ankja ga möxkígihu̱ ro dú kʼa Hesu?
Kʼa ʼme̱tʼo ʼño̱ho̱ ko kʼa ʼme̱tʼo ʼbe̱hña—kʼa Adán ko kʼa Eva—hin bi o̱hteui kʼa Tsi Mähkí Tá.a Nsohtho nugohu̱ di kjáhu̱ yä tsʼohki, di thogihu̱ ku̱ ra nthí nihi di túhu̱. Pe hi goʼtho xi ʼme̱di. Kʼa Jehová bi kjá di thsohtígihu̱ de nu̱ tsʼohki nihi de nu̱ dú po madé kʼa ro Tʼu̱, kʼa Hesukristo. Nu̱ Biblia i úhtite, ge ko kʼa ro dú kʼa Hesu, bi ʼun kʼa nkjutʼi. ʼNa nkjutʼi i nkjatho ngu̱ mu̱ i tʼun yä domi pa da thsoʼtí ʼna kjäʼni. Kʼa Hesu bi gutʼi kʼa nkjutʼi ko kʼa ro nzanki hi mi peʼtsi yä tsʼohki (xödí Mateo 20:28). Kʼa Hesu hin ga ne ga ʼmu̱i pa nzäi nuua ha nu̱ Ximojoi. Ko kʼa bi o̱te, bi xohki kʼa ʼñu pa pi go peʼtsihu̱ goʼtho kʼa bi ʼbe̱diui kʼa Adán ko kʼa Eva. Nihi kʼa Hesu bi úhtite te tangu i mähkígihu̱ kʼa Jehová ko gege. Nuná ntʼudi da möxkí pa má gi úhtite ge gi kjamädí po kʼa ro dú kʼa Hesu.
1. ¿Ankja ga möxkígihu̱ nuyá kʼa ro dú kʼa Hesu?
Ko nu̱ tsʼohki di peʼtsihu̱, di ndo̱ kjáhu̱ ku̱ ra ntsʼo hi i nú ra zo kʼa Jehová. Pe hä da zo go nkjahu̱ ro amigo kʼa Tsi Mähkí Tá mu̱ go xihmu̱ goʼtho ku̱ ra ntsʼo to kjáhu̱, nihi mu̱ go öhpíbihu̱ kʼa Jehová da möxkíhu̱ po madé kʼa Hesu pa da däbeni goʼtho ku̱ ra ntsʼo to kjáhu̱. Nihi mu̱ go o̱tehu̱ tse̱dí pa ya hin go kjáhu̱ ku̱ ra ntsʼo (1 Juan 2:1). Nu̱ Biblia i mä: “Kʼa Kristo bi dú ʼna bes nihi pa zäi po yu̱ tsʼohki, ʼna chala kjäʼni po yu̱ tsʼo kjäʼni, pa da zxixkíhu̱ abu̱ i ʼbu̱i kʼa Tsi Mähkí Tá” (1 Pedro 3:18).
2. ¿Ankja da möxkíhu̱ pa ri mäní kʼa ro dú kʼa Hesu?
Kʼa Jehová bi xiʼ kʼa ro Tʼu̱ di ʼníhkua pa di ʼun kʼa ro nzahki hi mi peʼtsi tsʼohki “pa goʼtho ku̱ da úhtite ge i íhkjibi [kʼa Hesu] hin da dú má ra zo ge zäi da ʼmu̱i” (Juan 3:16). Kjamädí po kʼa bi o̱te kʼa Hesu, kʼa Jehová hin da ndé da gu̱ʼtsi yu̱ ra ntsʼo i thogi po kʼa ro tsʼohki kʼa Adán. Nuná i ne da mä, ge ʼmu̱ go úhtitehu̱ ge di íhkjibihu̱ ro dú kʼa Hesu, zäi da zo go ʼmu̱fu̱ua ha nu̱ Ximojoi mu̱ da nkja ra ndo̱ nchala (Isaías 65:21-23).
MA PÄDIHU̱ MÁ RA NGU DE NU̱ TEMA
Ma pädihu̱ má ra zo ó bi ʼun kʼa ro nzahki kʼa Hesu nihi ma núhu̱ ankja nuná da zo da möxkí.
3. Kʼa ro dú kʼa Hesu i xoʼtígihu̱ de nu̱ tsʼohki nihi de nu̱ dú
Núhu̱ nu̱ VIDEO nihi ñähu̱ de gehna:
¿Té bi ʼbe̱di kʼa Adán mu̱ hin ga o̱hte kʼa Tsi Mähkí Tá?
Xödíhu̱ Romanos 5:12 nihi ñähu̱ de gehna:
¿Nuke té ʼbenkʼa gi thogi po kʼa tsʼohki bi o̱te kʼa Adán?
Xödíhu̱ Juan 3:16 nihi ñähu̱ de gehna:
¿Ó bi xiʼ kʼa Jehová di ʼníhkua ha nu̱ Ximojoi kʼa ro Tʼu̱?
Kʼa Adán mi ge ʼna ʼño̱ho̱ hi mi peʼtsi tsʼohki, pe ʼmu̱ hin ga ʼo̱htebi kʼa Tsi Mähkí Tá, bi kjá ge goʼtho yu̱ kjäʼni di meʼtsihu̱ kʼa tsʼohki nihi di dúhu̱.
Kʼa Hesu mi ge ʼna ʼño̱ho̱ hi mi peʼtsi tsʼohki, gege bi ʼo̱htebi kʼa Tsi Mähkí Tá, nkjanu̱ bi xohki kʼa ʼñu pa ya hin da meʼtsihu̱ kʼa tsʼohki yu̱ kjäʼni nihi zäi da zo da ʼmu̱fu̱.
4. Kʼa ro dú kʼa Hesu da zo da mötsí goʼtho yu̱ kjäʼni
Núhu̱ nu̱ VIDEO nihi ñähu̱ de gehna:
¿Ankja da zo da mötsí goʼtho yu̱ kjäʼni ro dú de ʼnatho ʼño̱ho̱?
Xödíhu̱ 1 Timoteo 2:5, 6 nihi ñähu̱ de gehna:
Kʼa Adán mi ge ʼna ʼño̱ho̱ hi mi pe̱ʼtsí tsʼohki, pe ʼmu̱ hin ga ʼo̱htebi kʼa Tsi Mähkí Tá, bi kjá ge goʼtho yu̱ kjäʼni di meʼtsihu̱ kʼa tsʼohki nihi di dúhu̱. Kʼa Hesu nihi mi ge ʼna ño̱ho̱ hi mi peʼtsi tsʼohki. ¿Té bi me̱fí gege pa di zo di gutʼi ʼna “nkjutʼi mi tʼödí”?
5. Kʼa nkjutʼi i nkja ʼna regalo i naʼkí kʼa Jehová
Ku̱ yo amigo kʼa Jehová i núhu̱ kʼa nkjutʼi ngu ʼna regalo pa kada ʼna de gegesehu̱. Pa go núhu̱ a i nkja, xödíhu̱ Gálatas 2:20 nihi ñähu̱ de gehna:
¿Té ma hñä bi mä kʼa apóstol Pablo ge i úhtigihu̱ ge mi nú kʼa nkjutʼi ngu ʼna regalo pa gegese?
Mu̱ kʼa Adán bi o̱te kʼa tsʼohki, gege ko goʼtho ku̱ yo bähtsí bi dúhu̱. Pe kʼa Jehová bi xiʼ kʼa ro Tʼu̱ di ʼníhkua ha nu̱ Ximojoi pa di dú, nkjanu̱, nuke zäi da zo gi ʼmu̱i.
Mu̱ gi xödí gehya xe̱ni, mbeni te bi zo kʼa Jehová mu̱ mi käʼti goʼtho ku̱ mbra nthí bi thogi kʼa ro Tʼu̱. Xödíhu̱ Juan 19:1-7 ko nu̱ 16-18, nihi ñähu̱ de gehna:
¿Té gi tso mu̱ gi mbeni kʼa bi me̱ʼ kʼa Jehová ko kʼa Hesu po nuke?
KʼA I ʼÑÖNIHU̱ PIʼRA YÄ KJÄʼNI: “¿Pe ankja da zo da mötsí goʼtho yu̱ kjäʼni ro dú de ʼnatho ʼño̱ho̱?”.
¿Té gi thädí?
KʼA KO PÄDI
Kjamädí po kʼa ro dú kʼa Hesu, kʼa Jehová da däbeni yu̱ ma tsʼohkihu̱ nihi da nahkígihu̱ ʼna nzahki pa zäi go ʼmu̱fu̱.
Kʼa to núhu̱
¿Ó bi dú kʼa Hesu?
¿Ankja bi zo bi nkja ro nzahki kʼa Hesu ngu ʼna “nkjutʼi mi tʼödí”?
¿Ankja ga möxkí kʼa ro dú kʼa Hesu?
MÁ GI PÄDI DE GEHNA
Pädi ankja kʼa ro nzahki kʼa Hesu i nkja ngu ʼna nkjutʼi.
“¿Ankja ro dú kʼa Hesu i nkja ngu ʼna nkjutʼi po ndunthi yä kjäʼni?” (Artículo de jw.org)
Pädi té ʼbenkʼa go pe̱hmu̱ pa hin go ʼbe̱dihu̱ nu ma nzahkihu̱.
“¿Ankja ga möxkíhu̱ kʼa Hesu pa hin go túhu̱?” (Artículo de jw.org)
¿I däbeni kʼa Jehová yu̱ tsʼohki ra ndo̱ ntsʼo?
“Yä ntʼöni i thädí nu̱ Biblia” (La Atalaya, 1 de mayo de 2013)
Mu̱ ʼna ʼño̱ho̱ bi bädi té i ne da mä kʼa ro dú kʼa Kristo bi kjá di mbödi kʼa ro nzahki. Xödí kʼa bi thogi.
a Kʼa tsʼohki hi ho̱nse i nkja mu̱ i tʼo̱te kʼa ra ntsʼo; nihi i nkja mu̱ ndee di ne go kjáhu̱ ku̱ ra ntsʼo, di nkjáhu̱ nkjanu̱ po kʼa bi zogi kʼa Adán ko kʼa Eva.