¿Ankja ga mu̱dí nu̱ nzahki?

“De nuke [Tsi Mähkí Tá] ri ʼníh nu̱ nzahki” (Salmo 36:9). ¿Nuke gi íhkji nuná? ʼRa yä kjäʼni i mbenihu̱ ge nu̱ nzahki bi ʼmu̱se, ge kjoʼotho ga ʼyo̱te. Mu̱ nisto bi kjá gua ʼmu̱fu̱, niste gua to̱ʼmihu̱. Pe, mu̱ bi o̱te nu̱ nzahki kʼa Jehová i ʼbu̱i kʼa te di to̱ʼmihu̱, ¿häna?a Nú kʼa i mä nu̱ Biblia de ankja ga mu̱dí nu̱ nzahki, nihi nú ó ra zo go mbenihu̱ nkjanu̱.

1. ¿Ankja ga ʼmu̱i nu̱ jitsi ko nu̱ joi?

Nu̱ Biblia i mä: “Mu̱ nga mu̱dí, nu̱ Tsi Mähkí Tá bi o̱te nu̱ jitsi ko nu̱ joi” (Génesis 1:1). Dunthi yä científico i mähmu̱ ge hä i ʼbu̱i kʼa tó bi o̱te nu̱ jitsi ko nu̱ joi. ¿Ankja ga o̱te kʼa Tsi Mähkí Tá nu̱ jitsi ko nu̱ joi? Gege bi gu̱ kʼa ro “tse̱dí i ʼñäni” —kʼa ro espíritu santo—pa di zo di o̱te goʼtho yu̱ i ʼbu̱i ha nu̱ jitsi nihi ha nu̱ joi: yu̱ galaxia, yu̱ tso̱, yu̱ planehta... (Génesis 1:2).

2. ¿Ó bi o̱te kʼa Tsi Mähkí Tá nu̱ Ximojoi?

Kʼa Jehová “hin ga o̱te pa nisto di ʼmu̱i, má ra zo bi o̱te pa tó di zo di ʼmu̱i” (Isaías 45:18). Gege bi o̱te nu̱ ximojoi pa di nkja ʼna luga ra nchala, nihi pa ge yu̱ kjäʼni zäi di zo di ʼmu̱i (xödí Isaías 40:28 nihi 42:5). Yu̱ científico i mähmu̱ ge nu̱ Ximojoi hi i hñe̱hmi ko piʼna planehta. Po gehna, hi i ʼbu̱i piʼna luga abu̱ yu̱ kjäʼni da zo go ʼmu̱fu̱.

3. ¿Té i kjá hin da hñe̱hmi yu̱ kjäʼni ko yu̱ zuʼui?

Mu̱ kʼa Jehová bi guadi bi o̱te nu̱ Ximojoi, bi kjá di ʼmui̱ nu̱ nzahki. ʼMe̱tʼo, bi kjá di fo̱tse yä paxí, yä do̱ni yä zaa nihi bi o̱te yu̱ zuʼui. Nihi “kʼa Tsi Mähkí Tá bi o̱te yä kjäʼni ngu i nkja gege” (xödí Génesis 1:27). ¿Té i kjá hin go hñe̱hmihu̱ ko yu̱ zuʼui? Kʼa Tsi Mähkí Tá bi kjágihu̱ ngu i nkja gege, nsohtho da zo go úhtitehu̱ ku̱ yo tsi chala ʼmu̱i, kjangu nu̱ hmädí nihi go kjáhu̱ kʼa ra zo. Gege bi ʼyo̱tegihu̱ pa da zo go pädihu̱ maʼra yä hñä, go käʼtihu̱ goʼtho yu̱ ra nchala i ‘bu̱i nihi di mpohohu̱ mu̱ i zu̱n yu̱ ʼbidá. Nugohu̱ hä i tso go xo̱hkimbenihu̱ kʼa xi ʼyo̱tegihu̱, pe hina yu̱ zuʼui.

MA PÄDIHU̱ MÁ RA NGU DE NU̱ TEMA

Ma núhu̱ ankja pi dra pädihu̱ ge kʼa Tsi Mähkí Tá bi o̱te goʼtho yä nzahki i ʼbu̱i, nihi ó kʼa i mä nu̱ Biblia de yu̱ xi tʼo̱te hä i nkjapu̱. Nihi ma pädihu̱ té i úhtigihu̱ de kʼa Tsi Mähkí Tá yu̱ yo tsi chala ʼmu̱i i peʼtsi yu̱ kjäʼni.

4. I ʼbu̱i kʼa tó xi o̱te goʼtho yu̱ i peʼtsi nzahki

Yu̱ kjäʼni i ndo̱ hnú ra zo po goʼtho yu̱ xi ʼyo̱te, xo i kju̱hkíhu̱ de ku̱ xi o̱te kʼa Tsi Mähkí Tá. Pe, ¿tó kʼa da tʼuni kjamädí po goʼtho yu̱ bi tʼo̱te ʼme̱tʼo? Núhu̱ nu̱ VIDEO nihi ñähu̱ de gehna:

VIDEO: Íhkji kʼa Tsi Mähkí Tá (2:43)

• ¿Té xi gu̱hkí yu̱ kjäʼni de ku̱ xi o̱te kʼa Tsi Mähkí Tá?

ʼBu̱i ku̱ tó xi o̱te goʼtho yu̱ nguu. Pe, ¿tó xi o̱te goʼtho yu̱ di käʼtihu̱ nuua ha nu̱ ximojoi? Xödíhu̱ Hebreos 3:4 nihi ñähu̱ de gehna:

• ¿Té i kjá gi ʼyo̱tho de yu̱ xi o̱te kʼa Tsi Mähkí Tá nuua ha nu̱ ximojoi?

• ¿Kja ra zo go benihu̱ ge goʼtho yu̱ i kja ha nu̱ jitsi i ʼbu̱i kʼa tó xi ʼyo̱te? ¿Ó i nkjapu̱?

¿Ngi pädina?

Ha nu̱ jw.org gi töti yä he̱ʼmi ko yä video de gehna tema. Hioni abu̱ i mä “¿ʼBu̱i kʼa tó bi o̱te?” nihi “Kʼa i hmä de abu̱ ri ʼníh nu̱ nzahki”.

“Hä, goʼtho yu̱ nguu i ʼbu̱i kʼa tó xi o̱te, pe kʼa Tsi Mähkí Tá xi o̱te goʼtho yu̱ i ʼbu̱i”.

5. Kʼa i mä nu̱ Biblia de ankja ga mu̱dí nu̱ nzahki hi ro ʼbe̱thrí

VIDEO: ¿Bi tʼo̱te nu̱ jitsi ko nu̱ joi? (nu̱ hiʼtsa i dé) (3:51)

• ¿I úhtite nu̱ Biblia ge nu̱ Ximojoi ko nu̱ nzahki i ʼbu̱hkua bi tʼo̱te ho̱nse ko 6 yä mpa ga 24 yä ora?

• ¿Gi íhkji ge kʼa i mä nu̱ Biblia de ngu ga tʼo̱te goʼtho yu̱ i kja bi thogi nkjanu̱, gua yo ʼbe̱thrí? ¿Ó i nkjapu̱?

Xödíhu̱ Génesis 1:1 nihi ñähu̱ de gehna:

• Dunthi yä científico i mähmu̱ ge yu̱ i kja ha nu̱ jitsi nihi nuua ha nu̱ joi bi tʼo̱te. ¿I nthe̱ kʼa i benihu̱ ko genkʼa ko nxödí nuua ha nu̱ Biblia?

ʼRa yä kjäʼni i ʼñönihu̱ kja kʼa Tsi Mähkí Tá hin ga o̱te ra zo nu̱ nzahki pa nkjanu̱ di mpu̱nise ku̱ kʼa o̱te. Xödíhu̱ Génesis 1:21, 25, 27 nihi ñähu̱ de gehna:

• ¿I úhtite nu̱ Biblia ge kʼa Tsi Mähkí Tá hin ga o̱te ra zo nu̱ nzahki ʼme̱fa bi he̱gí di mpu̱ni ta di nkjá yä tʼehua, yä zuʼui nihi yä kjäʼni? ¿Gua gege bi ʼuni  nzahki goʼtho yu̱ i “ʼbu̱i”?b

6. Yu̱ kjäʼni hin di hñe̱hmihu̱ ko yu̱ piʼra xi o̱te kʼa Tsi Mähkí Tá

Nugohu̱ hin di nkjahu̱ ngu yu̱ zuʼui. Xödíhu̱ Génesis 1:26 nihi ñähu̱ de gehna:

• Yu̱ kjäʼni i tso go úhtitehu̱ hmädí nihi di juihkihu̱ yu̱ maʼra xo xi tʼo̱tegihu̱ ngu kʼa Tsi Mähkí Tá. ¿Nuná té i úhtiki de kʼa Jehová?

KʼA KO PÄDI

Kʼa Jehová bi o̱te nu̱ jitsi, nu̱ joi nihi goʼtho kʼa nzahki i ʼbu̱hpu̱.

Kʼa to núhu̱

• ¿Té i úhtite nu̱ Biblia de ankja ga mu̱dí nu̱ jitsi ko nu̱ joi?

• ¿Bi he̱ʼ kʼa Tsi Mähkí Tá ge yu̱ nzahki di mpu̱nise pa di nkjáse kʼa nzahki mi nehu̱, gua gege bi o̱te goʼtho ngu i nkja?

• ¿Ó yu̱ kjäʼni hin di hñe̱hmihu̱ ko yu̱ piʼra xi o̱te kʼa Tsi Mähkí Tá?

MÁ GI PÄDI DE GEHNA

Nú yu̱ i kjaua ha nu̱ joi ge i úhtigihu̱ ge i ʼbu̱i kʼa tó xi o̱te.

“¿Té i úhtigihu̱ kʼa xi o̱te kʼa Tsi Mähkí Tá nuua ha nu̱ joi?” (¡Despertad!, septiembre de 2006)

Nú ankja ʼna tá i úhtibi nu̱ ro lengu bähtsí kʼa i mä nu̱ Biblia de ankja ga tʼo̱te goʼtho.

Kʼa Jehová bi o̱te goʼtho yu̱ i kja (2:37)

Nú kja nu̱ ebolusión i nthe̱ ko kʼa i úhtite nu̱ Biblia.

“¿Bi o̱te kʼa Tsi Mähkí Tá goʼtho yu̱ nzahki i ʼbu̱i po madé kʼa ebolusión?” (Artículo de jw.org)

Nú kja yu̱ ndoʼyo xi ʼröti nihi ko ku̱ ʼbe̱fí xi o̱te yu̱ científico i úhtite: kja nu̱ nzahki bi nkjáse gua tó bi o̱te.

Ankja ga mu̱dí nu̱ nzahki. Ku̱ta ntʼöni ra zo go xödíhu̱ (Folleto)