¿Té i mä nu̱ Biblia de ku̱ ánje?

Kʼa Jehová i ne go pädihu̱ a i nkja kʼa ro miní i ʼbu̱i a jitsi. Ha nuná miní i ʼbu̱i ku̱ ánje, nihi i thsifí yo “tʼu̱ kʼa Tsi Mähkí Tá” (Job 38:7). ¿Té i úhtite nu̱ Biblia de ku̱ ánje? ¿Ankja i fötsí ku̱ kjäʼni? ¿Kja goʼtho ku̱ ánje ro miní kʼa Tsi Mähkí Tá?

1. ¿Tó genku̱ ánje?

Ante di o̱te nu̱ Joi, kʼa Jehová bi o̱te yu̱ ánje. Kjangu gege, yu̱ ánje yo espíritu hi i tso go käʼtihu̱, nihi i ʼbu̱fu̱ a jitsi (Hebreos 1:14). Mahke i ʼbu̱i yä millón de yä ánje nindi ʼna i hñe̱tho (Apocalipsis 5:11). Gegehu̱ “i kjáhu̱ kʼa i mä [kʼa Jehová] nihi i o̱htehu̱ ku̱ yo hmända” (Salmo 103:20). Ma kjaʼmu̱, kʼa Jehová bi xiʼ ku̱ ánje di ʼnihmuua ha nu̱ joi pa di mähmu̱ kʼa mi ne kʼa Jehová, nihi pa di mötsí kʼa ro hnini. Ha yu̱ ma mpahu̱ya, yu̱ ánje i fötsí yu̱ kristiano pa da dötihu̱ yu̱ kjäʼni má i ne da bädihu̱ de kʼa Tsi Mähkí Tá.

2. ¿Tó genkʼa Zithú ko ku̱ u̱xkjua?

ʼRa yä ánje bi ʼuegehu̱ de kʼa Jehová. Kʼa ʼme̱tʼo bi ʼuege genkʼa “i tʼimbi ro Zithú, gege i höti goʼtho yu̱ kjäʼni de nu̱ ximojoi” (Apocalipsis 12:9). Kʼa Zithú bi hiöti ku̱ ʼme̱tʼo kjäʼni, kʼa Adán ko kʼa Eva pa di ʼuegeui de kʼa Tsi Mähkí Tá. ʼMe̱fa bi kjá ge piʼra yä ánje nihi di ʼuegehu̱ de kʼa Tsi Mähkí Tá. Ku̱ ánje hin ga ʼyo̱de i thsifí u̱xkjua. Kʼa Jehová bo kuhmari de a jitsi, nihi bi ʼye̱ntiua ha nu̱ Joi pa da böʼtihu̱ (xödí Apocalipsis 12:9, 12).

3. ¿Ankja i ne da hiöhkígihu̱ kʼa Zithú ko ku̱ u̱xkjua?

Kʼa Zithú ko ku̱ u̱xkjua i hötihu̱ yu̱ kjäʼni po madé kʼa espiritismo: kʼa i kjáhu̱ i nzohmu̱ o i ñähu̱ ko ku̱ espíritu. ʼRa yä kjäʼni i xödíhu̱ ku̱ horóscopo, piʼra i mähmu̱ kʼa da thogi po madé yu̱ tso̱, o po madé ku̱ espíritu, i ʼbu̱i ku̱ tó i biná, ku̱ duhkíte nihi ku̱ brujo. I ʼbu̱i yä kjäʼni i höní da ʼño̱the po madé ku̱ espíritu. Piʼra i thsifí ge da zo da ñähu̱ ko yä kjäʼni xi dú. Pe kʼa Jehová i xihkígihu̱: “Hin gi ma núhu̱ ku̱ i biná nindi ku̱ i mähmu̱ kʼa da thogi po madé ku̱ espíritu” (Levítico 19:31). Kʼa Jehová i ne da föhkígihu̱ de kʼa Zithú nihi de ku̱ u̱xkjua, xo yo nkontra de kʼa Tsi Mähkí Tá, gegehu̱ i ne da kjágihu̱ ku̱ ra ntsʼo.

MA PÄDIHU̱ MÁ RA NGU DE NU̱ TEMA

4. Ku̱ ánje i fötsí ku̱ kjäʼni pa da bädihu̱ de kʼa Jehová

Ku̱ yo ánje kʼa Jehová hi i tso da ñähu̱ ko ku̱ kjäʼni de nu̱ Biblia. Kʼa hä i tso da pe̱hmu̱ ge i fötsí ku̱ yo me̱fí kʼa Tsi Mähkí Tá pa da dötihu̱ ku̱ kjäʼni i ne da bädihu̱ de gege. Xödíhu̱ Apocalipsis 14:6, 7 nihi ñähu̱ de gehna:

• ¿Ó di höníhu̱ kʼa ro mföxte de ku̱ ánje mu̱ di úhtitehu̱ de nu̱ Biblia?

• ¿Gi mpoho mu̱ gi pädi ge ku̱ ánje da zo da zxixki ko ku̱ kjäʼni i ne da bädi de nu̱ Biblia? ¿Ó i nkjapu̱?

5. Hin gi hiöní nu̱ espiritismo

Kʼa Zithú ko ku̱ u̱xkjua yo nkontra kʼa Jehová, nihi ma nkontragohu̱. Xödíhu̱ Lucas 9:38-42 nihi ñähu̱ de gehna:

• ¿Té i kjáhpi ku̱ u̱xkjua yu̱ kjäʼni?

Hin go he̱gíhu̱ da ñu̱tihu̱ ku̱ u̱xkjua ha nu ma nzahkihu̱. Xödíhu̱ Deuteronomio 18:10-12 nihi ñähu̱ de gehna:

• ¿Ankja i ne ku̱ u̱xkjua go kjáhu̱ kʼa i nehu̱ nihi ankja i nzohkígihu̱? ¿Té i o̱te ku̱ kjäʼni i ñähu̱ ko ku̱ espíritu abu̱ gi ʼbu̱hke?

• ¿Gi nú ra zo ge kʼa Tsi Mähkí Tá hi i ne go höníhu̱ ku̱ kjäʼni i ñähu̱ ko ku̱ espíritu? ¿Ó i nkjapu̱?

Núhu̱ nu̱ VIDEO nihi ñähu̱ de gehna:

VIDEO: “Hin gi kjáhu̱ kʼa i mä kʼa Zithú” (5:02)

• ¿Nuke gi beni ge kʼa amulehto kʼa ʼruhtibi kʼa ro tsi ʼuene kʼa Palesa mi fötsí? ¿Ó i nkjapu̱?

• ¿Té bi me̱fí kʼa Palesa pa di mfödí de ku̱ u̱xkjua?

Yu̱ chala kristiano hi i kjáhu̱ kʼa i nehu̱ ku̱ u̱xkjua. Xödíhu̱ Hechos 19:19 ko kʼa 1 Corintios 10:21, nihi ñähu̱ de gehna:

• ¿Ó ra ndo̱ zo go thu̱tihu̱ goʼtho ku̱ di peʼtsihu̱ abu̱ i hno̱ni de kʼa espiritismo?

6. Tähtebi kʼa Zithú ko ku̱ u̱xkjua

Kʼa ro ndä de ku̱ u̱xkjua genkʼa Zithú. Pe kʼa ro Ndä de ku̱ chala ánje genkʼa arkánge Miguel, piʼna thuhu i peʼtsi kʼa Hesu. ¿Té tangu ro tse̱dí i peʼtsi kʼa Miguel? Xödíhu̱ Apocalipsis 12:7-9 nihi ñähu̱ de gehna:

• ¿Tó genku̱ má i peʼtsi tse̱dí: kʼa Miguel ko ku̱ yo ánje, gua kʼa Zithú ko ku̱ yo u̱xkjua?

• ¿Gi be̱ni ge ku̱ yo te̱nite kʼa Hesu petsite da zúhu̱ kʼa Zithú ko ku̱ yo u̱xkjua?

Nuke da zo gi tähtebi kʼa Zithú ko ku̱ yo u̱xkjua. Xödíhu̱ Santiago 4:7 nihi ñähu̱ de gehna:

• ¿Ankja da zo gi mfödí de kʼa Zithú nihi de ku̱ yo u̱xkjua?

KʼA KO PÄDI

Yu̱ chala ánje i föxkígihu̱. Kʼa Zithú ko ku̱ yo u̱xkjua yo nkontra kʼa Jehová, nsohtho po madé nu̱ espiritismo kʼa Zithú i höti yu̱ kjäʼni.

Kʼa to núhu̱

• ¿Té i pe̱ʼ ku̱ chala ánje pa da bädi yu̱ kjäʼni de kʼa Jehová?

• ¿Tó genkʼa Zithú ko ku̱ u̱xkjua?

• ¿Ó hi ra zo gi hiöní kʼa ro mföxte ku̱ u̱xkjua po madé nu̱ espiritismo?

MÁ GI PÄDI DE GEHNA

Pädi ó kʼa Hesu genkʼa arkánje Miguel.

“¿Tó genkʼa arkánje Miguel?” (Artículo de jw.org)

Xödí abu̱ i mä ge kʼa Zithú hä i ʼbu̱i.

“¿I ʼbu̱i kʼa Zithú?” (Artículo de jw.org)

Nú ankja ʼna ʼbe̱hña bi zo bi ʼuege de ku̱ u̱xkjua.

“Bi nú má ra nchala nu̱ nzahki” (La Atalaya, 1 de julio de 1993)

Nú ankja kʼa Zithú i höti yu̱ kjäʼni ko nu̱ espiritismo.

“Kʼa i mfädi de kʼa magia, nihi de kʼa brujeria” (¿Ha encontrado usted el camino a la vida eterna?, parte 5)