NTʼUDI 34
¿Ankja da zo go úhtibihu̱ kʼa Jehová ge di mädíhu̱?
¿Kja gi tso ge má gi kuati ko k’a Tsi Mähkí Tá desde mu̱ go fu̱dí go xödí nu̱ Biblia? ¿Kja gi ne má da ze̱di kʼa ri ntsitsi ko gege? Mu̱ i nkjanu̱, beni ge, mu̱ kʼa Jehová da nú ge má gi mädí, gege nihi da nekí nihi da föʼkí. ¿Ankja da zo gi úhtibi ge gi mädí?
1. ¿Ankja di úhtibihu̱ kʼa Jehová ge di mädíhu̱?
Di úhtibihu̱ ge di mädíhu̱ mu̱ di o̱htehu̱ (xödí 1 Juan 5:3). Pe gege hi i kjáhpi yä kjäʼni da ʼyo̱hte mu̱ hi i nehu̱. Má ra zo, i kjá go benihu̱ kja di ne go o̱htehu̱ gua hina. ¿Ó i nkjapu̱? Xo kʼa Jehová i ne go “o̱htehu̱ ko goʼtho ma korasohu̱” (Romanos 6:17). Kʼa di ne go mähmu̱, ge gege i ne ge nuke gi ʼyo̱hte po hmädí, pe hin gi kjá ta mu̱ da thsiʼkí. Kʼa i ne da úhtigihu̱ nuná libro ha ku̱ thehke 3 ko nu̱ 4 da möxkí pa gi úhtibi kʼa Jehová ge gi mädí po yoho yä rraso: go kjáhu̱ kʼa i nú ra zo pe nihi hin go kjáhu̱ kʼa i nú ra ntsʼo.
2. ¿Ó ra nthí go úhtibihu̱ kʼa Jehová ge di mädíhu̱?
“Yu̱ i kjá kʼa ra zo i thogihu̱ po ku̱ ra nthí” (Salmo 34:19). Goʼtho di thogihu̱ ku̱ ra nthí po yu̱ ma tsʼohkihu̱. Nihi di thogihu̱ ku̱ ra nthí mu̱ xaʼtho ma domihu̱, nihi mu̱ i nkjágihu̱ ku̱ ra ntsʼo. Mu̱ di thogihu̱ ku̱ ra ntsʼo má ra nthí go kjáhu̱ kʼa i to̱ʼmi kʼa Jehová. Xo hi ra nthí go kjáhu̱ kʼa ra ntsʼo. Pe, mu̱ gi o̱te tse̱dí pa gi kjá kʼa i ne kʼa Jehová, gra úhtibi ge gi mädí mahke gi thogi kʼa gi thogi. Nihi gra úhtibi ge hin gi tsogi. Nkjanu̱ gege hin da ʼuege de nuke nihi hin da hie̱kí (xödí Salmo 4:3).
MA PÄDIHU̱ MÁ RA NGU DE NU̱ TEMA
Ma núhu̱ ó mu̱ go o̱htebihu̱ kʼa Jehová go kjáhu̱ da mpoho nihi té da zo da möxkígihu̱ pa hin go ʼuegehu̱ de gege.
3. Kʼa ʼbe̱thrí bi hmä nihi bi hmä de nuke
Ngu i mä nu̱ he̱ʼmi ga Job, kʼa Zithú bi mä ʼna ʼbe̱thrí, pe hi ho̱nse bi mä de kʼa Job nihi bi mä de goʼtho yu̱ kjäʼni i ne da pe̱hpíbi kʼa Jehová. Xödíhu̱ Job 1:1 nihi nu̱ 1:6-2:10, nihi ñähu̱ de gehna:
Ngu bi mä kʼa Zithú, ¿ó kʼa Job mi o̱htebi kʼa Jehová? (Käʼtihu̱ Job 1:9-11).
¿Té ma ʼbe̱thrí i mä kʼa Zithú de goʼtho yu̱ kjäʼni, nihi de nuke? (Käʼtihu̱ Job 2:4).
Xödíhu̱ Job 27:5b nihi ñähu̱ de gehna:
¿Ankja ga úhtite kʼa Job ge hä mi mädí kʼa Jehová?
Kʼa Job bi úhtite ge mi mädí kʼa Jehová, mu̱ hin ga ʼuege de gege.
Di úhtitehu̱ ge di mädíhu̱ kʼa Jehová, mu̱ hin di ʼuegehu̱ de gege.
4. Kjá da mpoho ro koraso kʼa Jehová
Xödíhu̱ Proverbios 27:11 nihi ñähu̱ de gehna:
¿Té i tso kʼa Jehová mu̱ gi o̱htebi nihi mu̱ gi kjá kʼa ra zo? ¿Ó i nkjapu̱?
5. Nuke zäi da zo gi pe̱hpíbi kʼa Jehová
Kʼa hmädí di tsohu̱ po kʼa Jehová i kjá go úhtibihu̱ yu̱ piʼra de gege. Nihi mu̱ hin go ʼuegehu̱ de gege, go o̱htebihu̱ mahke dra nthí kʼa go thogihu̱. Núhu̱ nu̱ VIDEO nihi ñähu̱ de gehna:
¿Kja gi tso ra nthí gi ñäui ko yä kjäʼni de kʼa Jehová?
Ngu i mä nu̱ video, ¿té bi me̱ʼ kʼa Grayson pa ya hin di ntsú?
Mu̱ go mädíhu̱ kʼa i mädí kʼa Jehová nihi mu̱ go tsʼohu̱ kʼa i tsʼo gege zäi da zo go pe̱píbihu̱. Xödíhu̱ Salmo 97:10 nihi ñähu̱ de gehna:
Ko kʼa ko pädi ta nuyá, ¿té ʼbenku̱ i mädí kʼa Jehová? ¿Nihi té ʼbenku̱ i tsʼo?
¿Ankja da zo gi pädi gi mädí kʼa ra zo nihi gi tsʼo kʼa ra ntsʼo?
6. Mu̱ go o̱htehu̱ kʼa Jehová go ʼmu̱fu̱ ra zo
Kʼa má ra zo go kjáhu̱, zäi go o̱htehu̱ kʼa Jehová. Xödíhu̱ Isaías 48:17, 18 nihi ñähu̱ de gehna:
¿Kja gi íhkji ge kʼa Jehová i pädi té ʼbenkä má ra zo pa nugohu̱? ¿Ó gi beni nkjanu̱?
¿Ankja xi möxkí ta nuyá kʼa ri nxödí de nu̱ Biblia nihi kʼa ko pädi de kʼa Jehová, kʼa hä ro Tsi Mähkí Tá?
KʼA I MÄHMU̱ PIʼRA YÄ KJÄʼNI: “Kʼa Tsi Mähkí Tá hi i hä ro guenda kʼa di pe̱hko”.
¿Té ma xe̱ni de nu̱ Biblia da zo gi kju̱ pa gi úhtite ge kʼa Jehová i nsenti o i mpoho ko kʼa di pe̱hmu̱?
KʼA KO PÄDI
Nuke gi úhtite ge gi mädí kʼa Jehová mu̱ gi o̱hte nihi mu̱ hin gi ʼuege de gege mahke gi thogi ku̱ ra nthí.
Kʼa to núhu̱
¿Té i úhtiki kʼa bi thogi kʼa Job?
¿Ankja da zo gi úhtibi kʼa Jehová ge gi mädí?
¿Té da möxkí pa hin gi ʼuege de kʼa Jehová?
MÁ GI PÄDI DE GEHNA
Nú kʼa gi pe̱fí pa hin gi ʼuege de kʼa Jehová nihi de nu̱ hmuntsi.
Pädi má ra zo de ku̱ ʼbe̱thrí bi mä kʼa Zithú.
Nú ge ta yu̱ lengu bähtsí da zo da úhtibihu̱ kʼa Jehová ge i mädíhu̱.
¿Té da mötsí yu̱ bähtsí pa hin da ʼuegehu̱ de kʼa Tsi Mähkí Tá mu̱ piʼra yä bähtsí i xi’ku̱ da kjáhu̱ kʼa hi ra zo?