NTʼUDI 35

Ankja go pädihu̱ ra zo kʼa go pe̱hmu̱

Edición impresa

Petsite go pädihu̱ ra zo kʼa go pe̱hmu̱. Xo ndunthi de kʼa go pe̱hmu̱ da nigi a da nkja nu ma nzahkihu̱ nihi a da nkja kʼa hmädí di peʼtsibihu̱ kʼa Jehová. Kjangutho, mu̱ di mbenihu̱ abu̱ go ma ʼmu̱fu̱, abu̱ go pe̱hmu̱ pa go tähmu̱ yä domi nihi mu̱ di mbenihu̱ kja go nthähtíhu̱ gua hina. Mu̱ go pädihu̱ ra zo kʼa go pe̱hmu̱ go mpohmu̱ nihi go kjáhu̱ da mpoho kʼa Jehová.

1. ¿Ankja da zo da möxkí nu̱ Biblia pa gi pädi ra zo kʼa gi pe̱fí?

Ante gi kjá kʼa gra mbeni, xiʼ kʼa Jehová da möxkí. Nihi gi hiöní ha nu̱ Biblia kʼa i beni gege de kʼa gi ne gi pe̱fí (xödí Proverbios 2:3-6). ʼRa yä bes gi töti ʼna hmända da xiʼkí kʼa gi pe̱fí. Mu̱ i nkjanu̱, kʼa má ra zo gi kjá, gi ʼyo̱hte kʼa i mä.

Pe, ¿xiʼmu̱ hin go tötihu̱ ha nu̱ Biblia ʼna hmända da xihkígihu̱ kʼa go pe̱hmu̱? Mahke nkjanu̱, kʼa Jehová da úhtiki “kʼa ʼñu” abu̱ gi ʼño (Isaías 48:17). ¿Ankja? Po madé yä ntʼsofo. Yu̱ ntʼsofo xi nthutsí ha nu̱ Biblia i föxkígihu̱ pa go pädihu̱ kʼa i mbeni kʼa Jehová nihi kʼa i tso. Ndunthi de gehya ntʼsofo di tötihu̱ mu̱ di xödíhu̱ nu̱ Biblia. Mu̱ go pädihu̱ kʼa i mbeni kʼa Jehová da möxkígihu̱ pa go pädihu̱ ra zo kʼa go pe̱hmu̱.

2. ¿Té ʼbenkä gi hñä ro guenda pa gi pädi ra zo kʼa gi pe̱fí?

Nu̱ Biblia i mä ge “kʼa i ndo̱ hä ro guenda i nú abu̱ da ʼño” (Proverbios 14:15). Nuná i ne da mä ge ante go kjáhu̱ kʼa dra mbenihu̱ ma núhu̱ ra zo kja ho̱nsekä i ʼbu̱i go pe̱hmu̱, gua i bu̱ʼ kʼa má ra zo go kjáhu̱. Mu̱ ya ko mbeni ra zo kʼa gi pe̱fí, ʼñönise: “¿Té ma ntʼsofo i föxkígi pa go pädi ra zo kʼa go pe̱fí? ¿Ndänakä da möxkígi pa hin go ʼñonfeni? ¿Ankja da nú yu̱ piʼra kʼa go ma pe̱fí? Pe, ¿da kjá da mpoho kʼa Jehová kʼa di beni go o̱te?” (Deuteronomio 32:29).

Kʼa petsite da xihkígihu̱ té ʼbenkä ra zo go pe̱hmu̱ gua hina, genkʼa Tsi Mähkí Tá. Mu̱ go pädihu̱ má ra zo ku̱ yo hmända kʼa Jehová nihi ku̱ yo ntʼsofo má go ne go o̱htehu̱, nkjanu̱ go peʼtsihu̱ ʼna chala mfeni. Kʼa mphädi i ʼbu̱i a nu̱ mä mfenihu̱ genkä i xihkígihu̱ mu̱ go kjáhu̱ kʼa ra zo gua hina (Romanos 2:14, 15). ʼNa mfeni i pädi da kjá kʼa ra zo da möxkígihu̱ pa go pädihu̱ ra zo kʼa té di ne go pe̱hmu̱.

MA PÄDIHU̱ MÁ RA NGU DE NU̱ TEMA

Ma núhu̱ ankja yu̱ ntʼsofo i no̱ni nu̱ Biblia nihi ankja ʼna chala mfeni da möxkígihu̱ mu̱ té di ne go pe̱hmu̱.

3. Hie̱gi da möxkí nu̱ Biblia

¿Ankja i föxkígihu̱ yu̱ ntʼsofo de nu̱ Biblia pa go pädihu̱ ra zo kʼa go pe̱hmu̱? Núhu̱ nu̱ VIDEO nihi ñähu̱ de gehna:

VIDEO: Ge zäi da möxkígihu̱ yu̱ ntʼsofo ba íʼ ha nu̱ Biblia (5:54)

¿Té ma ndo̱ chala regalo xi nahkígihu̱ kʼa Jehová?
¿Ó kʼa Tsi Mähkí Tá xi he̱gí go juahnihu̱ kʼa di ne go pe̱hmu̱?
¿Té ma mföxte xi nahkígihu̱ kʼa Tsi Mähkí Tá pa go juahnihu̱ ra zo kʼa di ne go pe̱hmu̱?

Pa go núhu̱ ʼna ntʼsofo i no̱ni nu̱ Biblia, xödíhu̱ Efesios 5:15, 16. Nihi ñähu̱ ankja da zo gi “ʼuehke ri luga” pa...

... gi xödí nu̱ Biblia goʼtho yu̱ mpa.
... gi nkja ʼna chala ʼño̱ho̱ o ʼna chala ʼbe̱hña, ʼna chala tá nihi ʼna chala bähtsí.
... gi maʼ ha yu̱ hmuntsi.

4. Kjá ge nu̱ ri mfeni da bädi da o̱te kʼa ra zo

Mu̱ i ʼbu̱i ʼna hmända ha nu̱ Biblia ge i föxkígihu̱ pa go pädihu̱ kʼa go pe̱hmu̱, hi ra nthí go kjáhu̱ kʼa ra zo. Pe, ¿xiʼmu̱ hi i ʼbu̱i ʼna hmända? Núhu̱ nu̱ VIDEO nihi ñähu̱ de gehna:

VIDEO: “Go benihu̱ ra zo kʼa go pe̱hmu̱” (5:13)

Ngu i mä nu̱ video, ¿té bi me̱ʼ kʼa ku pa di kjá ge kʼa ro mfeni di bädi té di me̱fí pa nkjanu̱ di mpoho kʼa Jehová?

¿Ó hi ra zo go öníhu̱ piʼna kjäʼni pa da xihkígihu̱ kʼa go pe̱hmu̱? Xödíhu̱ Hebreos 5:14 nihi ñähu̱ de gehna:

Mahke hi ra nthí go xihmu̱ piʼna kjäʼni da xihkígihu̱ kʼa go pe̱hmu̱, ¿ó ra zo ge kada ʼna da bädi té ʼbenkä da me̱fí?
¿Té ʼbenku̱ da möxkígihu̱ pa go kjáhu̱ ge nu̱ ma mfenihu̱ da bädi kʼa da me̱fí nihi pa da kjá kʼa ra zo?

ʼNa kjäʼni ba ʼe̱ ʼna karro po ʼna ʼñu. ʼNa dispositivo i peʼtsi GPS i fötsí pa da bädi abu̱ di maʼ. — Nu̱ mfeni i nkja ngu ʼna mapa, i föxkígihu̱ pa go pädihu̱ kʼa go pe̱hmu̱ ha nu̱ ma nzahkihu̱.

5. Hin go tsoʼmihu̱ kʼa i pe̱h yu̱ maʼra

Hi goʼtho di hñe̱thohu̱, nsohtho hi ra gentho kʼa di pe̱hmu̱. ¿Ankja da zo go úhtitehu̱ ge hin di tsoʼmihu̱ kʼa i pe̱h yu̱ maʼra? Ma núhu̱ kʼa bi thogi yoho yä ku.

ʼMe̱tʼo: ʼNa ku i nkontsi maquillaje bi ʼratsi ha piʼna hmuntsi abu̱ dunthi yä ku hi i núhu̱ ra zo mu̱ ʼna ʼbe̱hña i nkontsi maquillaje.

Xödíhu̱ Romanos 15:1 ko nu̱ 1 Corintios 10:23, 24, nihi ñähu̱ de gehna:

Ko gehya xe̱ni to núhu̱, ¿té ʼbenkä di zo di me̱ʼ kʼa ku? Xi nuke, ¿té gi pe̱fí mu̱ kʼa ro mfeni de ʼna kjäʼni hi i nú ra zo kʼa i xiʼki kʼa ri mfeni ge hä ra zo?

Yoho: ʼNa ku i pädi ge nu̱ Biblia i mä, ge hi ra ntsʼo go tsíhu̱ chichu̱ yä íthe; pe gege hi i ne da zi. ʼNa mpa bi thsifí di maʼ ha ʼna tsʼonigo kʼa o̱te yu̱ ku abu̱ bi käʼti ge ʼra mbra tsíhu̱ yä íthe.

Xödíhu̱ Eclesiastés 7:16 ko kʼa Romanos 14:1, 10, nihi ñähu̱ de gehna:

Ko gehya xe̱ni to núhu̱, ¿té ʼbenkä di zo di me̱ʼ kʼa ku? Xi nuke, ¿té gi pe̱hke mu̱ gi käʼti ʼna ku ra o̱te kʼa i xiʼki kʼa ri mfeni ge hi ra zo?

¿Té gi pe̱hke pa gi pädi gi kjá kʼa ra zo?

ʼNa ʼbe̱hña ra nzoʼ kʼa Tsi Tsi Mähkí Tá.

1. ʼYöhpi kʼa Jehová da möxkí pa gi pädi k’a gi pe̱fí (Santiago 1:5).

Nu̱ ʼbe̱hña ra höní kʼa i ne da bädi ha nu̱ Biblia, ha yu̱ he̱ʼmi xi kʼu̱hkí de nu̱ Biblia nihi ha nu̱ compuhtadora.

2. Hiöní yä nföxte ha nu̱ Biblia nihi ha yu̱ he̱ʼmi xi kʼu̱hkí de nu̱ Biblia pa gi töti yä nt’sofo da möxkí pa gi pädi kʼa gi pe̱fí. Nihi da zo gi ʼyöni yu̱ ku i pädi k’a da me̱hmu̱.

3. Mbeni té da zo kʼa ri mfeni ko kʼa gi ma pe̱fí nihi ankja da nú yu̱ maʼra.

KʼA I MÄHMU̱ PIʼRA YÄ KJÄʼNI: “Nuke da zo gi kjá kʼa gi ne. ¡Hin gi kjá ro guenda kʼa i mbeni yu̱ kjäʼni!”.

¿Ó ra zo gi hñä ro guenda kʼa i tso kʼa Tsi Mähkí Tá nihi yu̱ maʼra?

KʼA KO PÄDI

Go kjáhu̱ kʼa ra zo mu̱ ʼme̱tʼo go núhu̱ kʼa i beni kʼa Jehová ko kʼa di ne go pe̱hmu̱, nihi mu̱ di hähu̱ ro guenda mu̱ kʼa go pe̱hmu̱ da mötsí yu̱ maʼra gua hina.