Hin go ko̱nihu̱ kʼa di pe̱hmu̱

Goʼtho yu̱ kjäʼni i to̱ʼmi ge ku̱ yo amigo hin da ko̱ni k’a i pe̱hmu̱, nihi kʼa Jehová i to̱ʼmi ge ku̱ yo amigo da nkjahu̱ nkjanu̱. Pe ra nthí go nkjahu̱ nkjanu̱, xo ha yu̱ ma mpahu̱ ndunthi yä kjäʼni i jötihu̱ yu̱ maʼra. ¿Té go tähmu̱ mu̱ hin go ko̱nihu̱ kʼa di pe̱hmu̱?

1. ¿Ndänakʼa rraso má ra zo di peʼtsihu̱ pa hin go ko̱nihu̱ kʼa di pe̱hmu̱?

Mu̱ hin di ko̱nihu̱ kʼa di pe̱hmu̱, di úhtibihu̱ kʼa Jehová ge di mädíhu̱ nihi ge di o̱htebihu̱. Hin gi däbeni ge kʼa Jehová i pädi goʼtho kʼa di pe̱hmu̱ nihi kʼa di benihu̱ (Hebreos 4:13). Gege i hä ro guenda mu̱ hin di ko̱nihu̱ kʼa di pe̱hmu̱, nihi i nú ra zo mu̱ di kjáhu̱ nkjanu̱. Nu̱ Biblia i mä: “Kʼa Jehová i ts’o ku̱ kjä’ni i o̱te ku̱ ra ntsʼo, pe i peʼtsi ʼna chala ntsitsi ko ku̱ i kjá kʼa ra zo” (Proverbios 3:32).

2. ¿Ó ra zo hin go ko̱nihu̱ kʼa di pe̱hmu̱?

Mu̱ go kjáhu̱ kʼa i ne kʼa Jehová i ne da mä “ge hin go mähmu̱ yä ʼbe̱thrí ʼra ko maʼra” (Zacarías 8:16, 17). ¿Té i ne da mä nuná? Ge hin di mähmu̱ yä ʼbe̱thrí nihi hin di jötihu̱ yu̱ ma miníhu̱, yu̱ kjäʼni abu̱ di pe̱hmu̱, yu̱ ma kuhu̱ nindi yu̱ áhte. Yu̱ kjäʼni hi i mähmu̱ ʼbe̱thrí hi i jötihu̱ yu̱ kjäʼni pa da hñämbi kʼa ro domi (xödí Proverbios 24:28 ko kʼa Efesios 4:28). Nihi i kjutʼihu̱ kʼa domi i ödí ku̱ áhte (Romanos 13:5-7). Ko gehya dra núhu̱ nihi ko goʼtho kʼa di kjáhu̱ ha nu ma nzahkihu̱, hin di ne “go ko̱nihu̱ kʼa di pe̱hmu̱” (Hebreos 13:18).

3. ¿Té di tähmu̱ mu̱ hin di ko̱nihu̱ kʼa di pe̱hmu̱?

Mu̱ i fädi ge hin di ko̱nihu̱ kʼa di pe̱hmu̱, di kjáhu̱ ge yu̱ kjäʼni da íhkjihu̱ kʼa di mähmu̱. Nkjanu̱, di kjáhu̱ ge goʼtho nu̱ ma hmuntsihu̱ da ʼmu̱i ra zo ngu ʼna miní. Nihi di tsohu̱ ra tsi zo mu̱ di peʼtsihu̱ na chala mfeni. Mu̱ hin di ko̱nihu̱ kʼa di pe̱hmu̱, di kjáhu̱ da hnú ra zo “kʼa i úhtite kʼa Tsi Mähkí Tá”, nkjanu̱ go kjáhu̱ ge maʼra yä kjäʼni da ne da pe̱hpíbi kʼa Jehová (Tito 2:10).

MA PÄDIHU̱ MÁ RA NGU DE NU̱ TEMA

4. Kʼa Jehová i nú ra zo ku̱ kjäʼni hi i ko̱ni kʼa i pe̱hmu̱

Xödíhu̱ Salmo 44:21 ko nu̱ Malaquías 3:16, nihi ñähu̱ de gehna:

• ¿Kja ra zo go ägihu̱ kʼa ra ntsʼo di pe̱hmu̱? ¿Ó gi beni nkjanu̱?

• Mu̱ go mähmu̱ ku̱ hi ra zo di pe̱hmu̱, mahke dra nthí, ¿té gi beni da zo kʼa Jehová?

5. Hin go ko̱nihu̱ kʼa di pe̱hmu̱

VIDEO: ¿Té da möxkígihu̱ pa zäi go mpohmu̱? ʼNa mfeni ra zo (2:32)

Xödíhu̱ Hebreos 13:18 nihi ñähu̱ ankja hin gi ko̱nihu̱ kʼa gi pe̱hmu̱...

• ... ko ri miní.

• ... ha kʼa ri ʼbe̱fí, nihi ha kʼa ri eskuela.

• ... ko kʼa gi kjáhu̱ mpa ko mpa.

6. Mu̱ hin go ko̱nihu̱ kʼa di pe̱hmu̱ go ʼmu̱fu̱ ra zo

Mu̱ hin go ko̱nihu̱ kʼa di pe̱hmu̱ ʼra yä bes go thogihu̱ ku̱ ra nthí, pe ko yu̱ mpa ba thogi go núhu̱ ge ra zo kʼa do pe̱hmu̱. Xödíhu̱ Salmo 34:12-16 nihi ñähu̱ de gehna:

• ¿Ankja da möxkígihu̱ go ʼmu̱fu̱ má ra zo mu̱ hin go ko̱nihu̱ kʼa di pe̱hmu̱?

1. Mu̱ ʼna ʼño̱ho̱ ko ʼna ʼbe̱hña hin da nko̱niui kʼa i pe̱hmí, kʼa ro nthähtí má da ze̱di.

2. Mu̱ ku̱ me̱fí hi i ko̱ni kʼa i pe̱hmu̱ ha ku̱ yo ʼbe̱fí, ku̱ yo lamu má da nú ra zo gehya me̱fí.

3. Mu̱ yu̱ kjäʼni hi i ko̱ni kʼa i pe̱hmu̱, yu̱ áhte i nú ra zo.

KʼA KO PÄDI

Kʼa Jehová i to̱ʼmi ge ku̱ yo amigo hin da ko̱ni kʼa i pe̱hmu̱ nihi kʼa i mähmu̱.

Kʼa to núhu̱

• ¿Ó ra zo hin go ko̱nihu̱ kʼa di pe̱hmu̱?

• ¿Ó hi ra zo go benihu̱ ge da zo go ägihu̱ ku̱ ra ntsʼo di pe̱hmu̱?

• ¿Té ma rraso gi peʼtsige pa hin gi ko̱n k’a gi pe̱fí?

MÁ GI PÄDI DE GEHNA

¿Ankja yu̱ tá da zo da möx ku̱ yo bähtsí pa hin da ko̱ni kʼa i pe̱hmu̱?

Hin gi mä yä ʼbe̱thrí (1:44)

¿Té da tʼuni ku̱ i kjáhu̱ kʼa xi mähmu̱?

Kjá kʼa ko mä pa da taʼkí yä nkjähpí (9:09)

Nú kja ra zo go kjutʼihu̱ kʼa domi i ödí yu̱ áhte mahke hi i kju̱hu̱ ra zo.

“¿Kja ra zo go kjutʼi kʼa domi i ödí yu̱ áhte?” (La Atalaya, 1 de septiembre de 2011)

¿Té bi kjá ge ʼna ʼño̱ho̱ mi mä yä ʼbe̱thrí pa di mpí, bi mbödi kʼa ro nzahki pa di nkja ʼna chala kjäʼni?

“Do pädi ge kʼa Jehová i ndo̱ negihu̱ nihi i däbeni yu̱ tsʼohkí di o̱tehu̱” (La Atalaya, 1 de mayo de 2015)