NTʼUDI 39
Nkjanu̱ ga nú kʼa Jehová nu̱ kjí
Nu̱ kjí gehnu̱ nzahki. Mu̱ hin dra gehnu̱ kjí, kjoʼtho da zo da ʼmu̱i. Kʼa Tsi Mähkí Tá bi nahkígihu̱ nu ma nzahkihu̱, nsohtho ho̱nse gege da zo da xihkígihu̱ ankja da zo go kju̱hu̱ nu ma kjíhu̱. ¿Té i mä gege de nu̱ kjí? ¿Kja da zo da thsíhtigihu̱ kjí o da zo go tsihu̱? ¿Nuke té da zo da möxkí pa gi pädi té gi pe̱fí?
1. ¿Ankja ga nú kʼa Jehová nu̱ kjí?
Kʼa Jehová bi xiʼ kʼa ro hnini Israel: “Nu̱ ro nzahki de goʼtho yä ngo̱ i ʼbu̱i ha ro kjí” (Levítico 17:14). Pa kʼa Jehová, nu̱ kjí gehnu̱ nzahki. Nu̱ nzahki i nkja ʼna chala regalo xi nahkígihu̱ kʼa Tsi Mähkí Tá, nsohtho gege i nú ra ndo̱ zo nu̱ kjí.
2. ¿I xihkígihu̱ kʼa Jehová ge hi ra zo go kju̱hu̱ nu̱ kjí?
Ante di nkjá kʼa hmuntsi kristiana, kʼa Jehová bi xiʼ kʼa ro hnini ge hin di zihu̱ kjí (xödí Génesis 9:4 ko nu̱ Levítico 17:10). Mu̱ nga ʼmu̱i kʼa hmuntsi kristiana, kʼa Jehová pi bi mä gehna hmända. Kʼa cuerpo gobernante—ku̱ apóstol ko ku̱ anciano mi e̱tí nuná hmuntsi—bi ʼuni gehna ntʼsofo yu̱ kristiano: “Hin gi nehu̱[...] yä kjí” (xödí Hechos 15:28, 29).
¿Té i ne da mä, hin go nehu̱ yä kjí? Mu̱ kʼa kjäʼni i ʼyo̱theki da xiʼkí hin gi tsi yä íthe, nuke hin gi tsi, ¿hänä? Pe ¿gi tsi yä hñuni i ʼñoui chichu̱ yä íthe, o gi hñe̱gi da thsíhtiki yä íthe ha yu̱ ri ʼñunkjí? Nihi nkjanu̱ ko gehna hmända i xihkígihu̱ ge hin go nehu̱ yä kjí. Mu̱ go o̱htehu̱ kʼa Tsi Mähkí Tá hin go tsihu̱ yä kjí nin go tsihu̱ yä zuʼui xi dúse. Nihi hin go tsihu̱ yu̱ hñuni xi nthäntsi kjí.
Pe, ¿ankja da gu̱ ʼna kjäʼni kʼa ro kjí mu̱ i ne da ʼño̱the? I ʼbu̱i ʼra yä ʼnithi ge hi i nú ra zo kʼa Tsi Mähkí Tá, kjangutho mu̱ i hne da thsíhtigihu̱ kjí o ʼna de kʼa i ʼñoui nu̱ kjí ngu: yu̱ glóbulo ra ntheni, yu̱ glóbulo ra ntʼaxi, yu̱ plakehta o nu̱ plasma. Pe ʼra yä bes hin di pädihu̱ ra zo, kja genkä ʼnithi i nú ra zo kʼa Jehová. Xo ʼra yä ʼnithi i peʼtsi chichu̱ de ku̱ i ʼñoui nu̱ kjí. Piʼra yä bes i nkju̱ kʼa ro kjíse kʼa döʼthí. Ko gehna to núhu̱, kada ʼna da beni ra zo té ma ʼnithi da gu̱ pa da ʼño̱the (Gálatas 6:5).a
MA PÄDIHU̱ MÁ RA NGU DE NU̱ TEMA
Ma núhu̱ té ʼbenkä go hähu̱ ro guenda mu̱ go juahnihu̱ ankja di nehu̱ da tʼo̱thegihu̱.
3. Kjá kʼa ra zo pa da mpoho kʼa Jehová
¿Té da zo gi pe̱hke pa gi nú nu̱ kjí ngu ga nú kʼa Jehová? Núhu̱ nu̱ VIDEO ʼme̱fa ñähu̱ ó ra zo go kjáhu̱ kʼa xi nthuxkua:
ʼYöhpi kʼa ro mfädi kʼa Jehová (Santiago 1:5).
Hiöní yä ntʼsofo i ñä de nu̱ tema pa nkjanu̱ gi pädí kʼa gi ʼyo̱te (Proverbios 13:16).
ʼÑöni té ma ʼnithi hi i ʼñoui kjí i kja abu̱ gi ʼbu̱hke pa da tʼo̱theki.
Nú ra zo té ma ʼnithi hi ra zo pa nuke.
Juahni ra zo ankja gi ne da tʼo̱theki pa da ʼmu̱i ra zo kʼa ri mfeni (Hechos 24:16).b
Pädi ge kjoʼtho—nindi kʼa ri nzoya, kʼa ri ʼbe̱hña, nindi ʼna anciano o kʼa i úhtiki de nu̱ Biblia—da zo da xiʼkí kʼa gi pe̱fí mu̱ gi hnini, xo nkjanu̱ da ʼmu̱i ra zo kʼa ri mfeni (Romanos 14:12).
Hñutsi ha ʼna he̱ʼmi ankja gi ne da tʼo̱theki.
4. Yu̱ testigo ga Jehová di nehe da tʼo̱thegihe ra zo
Mu̱ go o̱htehe kʼa ro hmända kʼa Jehová de nu̱ kjí hi i ne da mä ge hin di nehe da tʼo̱thegihe ra zo. Núhu̱ nu̱ VIDEO.
Xödíhu̱ Tito 3:2 nihi ñähu̱ de gehna:
¿Ó ra zo go hähu̱ ro guenda kʼa i xihkígihu̱ yu̱ kjäʼni i ʼyo̱thegihu̱ nihi go ñähu̱ ra zo ko gegehu̱?
Hin di nehe |
Kʼa i xiʼki nu̱ ri mfeni gi kjá |
|---|---|
A. Plasma de nu̱ kjí |
Chichu̱ de kʼa i ʼñoui nu̱ plasma |
B. Yä glóbulo ra ntʼaxi |
Chichu̱ de kʼa i ʼñoui yä glóbulo ra ntʼaxi |
C. Yä plakehta |
Chichu̱ de kʼa i ʼñoui yä plakehta |
D. Yä glóbulo ra nthe̱ni |
Chichu̱ de kʼa i ʼñoui yä glóbulo ra nthe̱ni |
5. Chichu̱ de kʼa i ʼñoui nu̱ kjí
Nu̱ kjí i ʼñoui: yä glóbulo ra nthe̱ni, yä glóbulo ra ntʼaxi, yä plakehta nihi kʼa plasma. Kada ʼna de gehya, i ʼbu̱i ndunthi ku̱ te i nthäntsi, ge i thsífi chichu̱ de kʼa i ʼñoui nu̱ kjí.c Chichu̱ de ku̱ i ʼñoui nu̱ kjí ri tʼo̱te yä ʼnithi pa yu̱ gihí nihi pa da ʼböʼmi yä kjí.
Kada ʼna de yu̱ kristiano petsite da beni ra zo kʼa i mä nu̱ Biblia mu̱ i hne da thsíhtibi chichu̱ de ku̱ i ʼñoui nu̱ kjí. Pe, ʼra hi i núhu̱ ra zo mu̱ da tʼo̱thehu̱ ko chichu̱ de kʼa i ʼñoui nu̱ kjí. Piʼra i núhu̱ ra zo mu̱ da tʼo̱thehu̱ ko chichu̱ de kʼa i ʼñoui nu̱ kjí.
Mu̱ ya ko mbeni kʼa gi pe̱fí, ʼñönise:
¿Ankja gi xiʼ kʼa da ʼyo̱theki ge hä gi ne o hin gi ne da tʼo̱theki ko chichu̱ de ku̱ i ʼñoui nu̱ kjí?
KʼA I ʼÑÖNIHU̱ PIʼRA YÄ KJÄʼNI: “Nu̱ kjí i kjá hin da dú yä kjäʼni, nsohtho ¿ó hi ra zo mu̱ da thsíhtigihu̱ yä kjí?”.
¿Nuke té gi beni?
KʼA KO PÄDI
Kʼa Jehová hi i ne go kju̱hu̱ ra ntsʼo nu̱ kjí.
Kʼa to núhu̱
¿Ó kʼa Jehová i nú ra ndo̱ zo nu̱ kjí nihi i ndo̱ mädí?
¿Ó di pädihu̱ ge kʼa ro hmända kʼa Jehová abu̱ i mä ge hin go tsihu̱ kjí nihi i ne da mä ge hin da thsíhtigihu̱ kjí?
¿Té da möxkí pa da zo gi pädi kʼa gi pe̱fí mu̱ da hne da thsíhtiki kjí?
MÁ GI PÄDI DE GEHNA
Ante gi mä, kja hä gi ne da nkju̱ kʼa ri kjíse pa da tʼo̱theki, ¿té ʼbenku̱ ra zo gi hä ro guenda?
“Kʼa i ʼñöni ku̱ i xödí yu̱ ma he̱ʼmihu̱” (La Atalaya, 15 de octubre de 2000)
Ante gi mä, kja hä gi ne da thsíhtiki chichu̱ de ku̱ i ʼñoui nu̱ kjí, ¿té ʼbenkä ʼme̱tʼo gi nú?
“Kʼa i ʼñöni ku̱ i xödí yu̱ ma he̱ʼmihu̱” (La Atalaya, 15 de junio de 2004)
¿Té bi kjá ge ʼna ʼyo̱thete di nú ra zo kʼa i mä kʼa Jehová de kʼa kjí?
“Do nú ra zo kʼa i mä kʼa Jehová de nu̱ kjí” (¡Despertad!, 8 de diciembre de 2003)
Nú ankja yu̱ anciano ge i ʼbu̱i ha ku̱ Comité ga Enlace ko yu̱ Hospital i fötsí ku̱ yo ku.
b Nú kʼa punto 5, “Chichu̱ de kʼa i ʼñoui nu̱ kjí”; nu̱ nota 3, “Mu̱ i hne da thsíhtibi kjí ʼna kjäʼni pa da tʼo̱the”.
c ʼRa de ku̱ i ʼyo̱the yu̱ kjäʼni i mähmu̱ ge kʼa plasma, ku̱ plakehta, ku̱ glóbulo ra nthe̱ni ko ku̱ glóbulo ra ntʼaxi ya hi ro kjí. Nsohtho, nuke petsite gi xiʼ kʼa da ʼyo̱theki ge hin gi ne da thsíhtiki yä kjí o ku̱ glóbulo ra nthe̱ni, ku̱ ra ntʼaxi, ku̱ plakehta nihi kʼa plasma.