NTʼUDI 40
Té go pe̱hmu̱ pa da nú kʼa Jehová ge hin di poxkihu̱ nu ma nzahkihu̱
Mbeni ʼna mé i ndo̱ mädí kʼa ro bähtsí, ra johki pa da maʼ eskuela. Gege i hä ro guenda kja ya xi ji nihi mu̱ ku̱ yo dähtu hi ra mpoxi. Nkjanu̱ kʼa bähtsí hiʼtsa i hniní nihi i nihki te tangu i ʼñonfeni ku̱ yo tá po gege. Kʼa Jehová ma táhu̱ nihi i ndo̱ negihu̱, nsohtho hi i ne dra mpoxigíhu̱ nin go poxkihu̱ nu ma mfenihu̱. Mu̱ go jihu̱ nihi go hñohkihu̱ hiʼtsa go hniníhu̱, nihi i hñä ra zo de kʼa Tsi Mähkí Tá.
1. ¿Té go pe̱hmu̱ pa hin dra mpoxigíhu̱?
Kʼa Jehová i xihkígihu̱: “Peʼtsite gi nkjáhu̱ ra ntʼaxi” (1 Pedro 1:16). Pa go nkjahu̱ ra ntʼaxi, peʼtsite go hñohkihu̱ nihi hin go poxkihu̱ nu ma mfenihu̱. Di úhtitehu̱ ge di hñohkihu̱ mu̱ di jihu̱, mu̱ di penihu̱ yu̱ ma dähtuhu̱, mu̱ di johkihu̱ nu ma nguuhu̱ ko nu ma karrohu̱. Nihi di johkihe abu̱ di hmuntsihe pa go xo̱hkimbenihe kʼa Jehová. Mu̱ da hnú ge hi ra mpoxigíhu̱, da zo da tʼuni nsú kʼa Jehová (2 Corintios 6:3, 4).
2. ¿Té ʼbenku̱ ra zo go he̱gíhu̱ pa hin da poxki nu ma nzahkihu̱?
Nu̱ Biblia i xihkígihu̱: “Ma he̱gíhu̱ goʼtho kʼa i kjá da poxki nu ma nzahkihu̱ ko nu ma espírituhu̱” (2 Corintios 7:1). Nsohtho di mpexkehe pa go he̱gíhe goʼtho kʼa i poxki nu ma ndoʼyohe ko nu ma mfenihe. Di nehe ge kʼa Jehová da mpoho ko kʼa di benihe, nsohtho di mpexkehe pa hin go peʼtsihe yä tsʼo mfeni (Salmo 104:34). Nihi di hähe ro guenda pa hin go mähme ku̱ ra ntsʼo nihi hin di tsanihe yu̱ kjäʼni (xödí Colosenses 3:8).
¿Té má da kjá da poxki nu ma nzahkihu̱ ko nu ma ʼmu̱ihu̱? I ʼbu̱i kʼa te i poxki nu ma ngo̱hu̱ o nu ma ndoʼyohu̱. Nsohtho, hi ra zo go tsu̱tʼihu̱ yä ʼyu̱y, hin go tsonihu̱ nin go tsíhu̱ yä droga, nihi hin go tsíhu̱ yä ʼnithi hi xi nahkígihu̱ kʼa tó i ʼyo̱thegihu̱. Mu̱ go kjáhu̱ nkjanu̱, di mfödíhu̱ pa hin go hniníhu̱ nihi nkjanu̱ di kjamädíhu̱ po nu̱ zahki xi tʼahkígihu̱. Nihi pa hin go poxkihu̱ nu ma mfenihu̱ o nu ma ʼmu̱ihu̱, hin di kjáhu̱ kʼa ra ntsʼo ngu mu̱ go nthötísehu̱ pa go tsohu̱ ra zo (masturbación) nihi hin go käʼtihu̱ yä ngo̱lo o ngo̱ro kjäʼni i ntaxíhu̱ (pornografía) (Salmo 119:37; Efesios 5:5). ʼRa yä kjäʼni di tsohu̱ ra nthí go he̱hmu̱ kʼa ra ntsʼo di kjáhu̱, pe kʼa Jehová i ne da möxkígihu̱ (xödí Isaías 41:13).
MA PÄDIHU̱ MÁ RA NGU DE NU̱ TEMA
Ma núhu̱ ó mu̱ di hñohkihu̱ di kjáhu̱ ge yä kjäʼni da ñä ra zo de kʼa Jehová nihi ma núhu̱ ankja da zo go he̱gíhu̱ kʼa ra ntsʼo di pe̱hmu̱.
3. Mu̱ di hñohkihu̱ yu̱ kjäʼni i ñä ra zo de kʼa Jehová
Mu̱ di xödíhu̱ ku̱ hmända bi ʼuni kʼa Jehová kʼa hnini ga Israel, di pädihu̱ ó gege i nú ra ndo̱ zo mu̱ di hñohkihu̱. Xödíhu̱ Éxodo 19:10 ko nu̱ 30:17-19, nihi ñähu̱ de gehna:
¿Té i úhtigihu̱ gehya xe̱ni de ankja ga nú kʼa Jehová mu̱ di hñohkihu̱?
¿Té ʼbenkʼa ra zo go pe̱hmu̱ pa zäi go hñohkihu̱?
Ma kjáhu̱ ndunthi tse̱dí pa zäi go hñohkihu̱. Go ʼmu̱fu̱ abu̱ xo go ʼmu̱fu̱, go hähu̱ ndunthi yä domi gua hina da zo go kjáhu̱ nkjanu̱. Núhu̱ nu̱ VIDEO nihi ñähu̱ de gehna:
Mu̱ yu̱ kjäʼni di úhtibihu̱ de nu̱ Biblia da núhu̱ ge hi ra mpoxi yu̱ di peʼtsihu̱, ¿gi beni ge nuná da mötsí pa má da mädíhu̱ kʼa Jehová? ¿Ó i nkjapu̱?
4. Hie̱ʼ ku̱ i poxki nu̱ ri ndoʼyo
Kʼa Jehová i tso da möxkígihu̱ pa go he̱gíhu̱ kʼa i kjá da poxki nu̱ ma nzahkihu̱.
Mu̱ nuke gi tsu̱tʼi yä ʼyu̱y o gi tsí yä droga gi pädi ge ra nthí gi tsogi. Nú kʼa da zo da möxkí pa gi pädi kʼa ra thogi ha nu̱ ri nzahki. Xödíhu̱ Mateo 22:37-39, nihi ñähu̱ de ankja ku̱ ʼyu̱y nihi yu̱ droga i kjá da ʼbe̱di...
... kʼa ntsitsi i peʼtsi ʼna kjäʼni ko kʼa Jehová.
... kʼa ro miní de ʼna kjäʼni, nihi yu̱ piʼra kjäʼni da ʼuege de gege.
Mbeni kʼa da zo gi kjá pa gi hie̱ʼ ku̱ ra ntsʼo gi tsí.a Núhu̱ nu̱ VIDEO.
Xödíhu̱ Filipenses 4:13 nihi ñähu̱ de gehna:
¿Gi beni ge mu̱ ʼna kjäʼni da nzoʼ kʼa Tsi Mähkí Tá, da maʼ ha nu̱ hmuntsi nihi mu̱ da xödí nu̱ Biblia da zo da mötsí pa da hie̱gí ku̱ ra ntsʼo i tsí? ¿Ó gi beni nkjanu̱?
5. O̱te tse̱dí pa hin gi mbeni nihi pa hin gi kjá kʼa ra ntsʼo
Xödíhu̱ Colosenses 3:5 nihi ñähu̱ de gehna:
¿Ankja dra pädihu̱ ge kʼa Jehová i nú ra ndo̱ ntsʼo nu̱ pornografía, nu̱ masturbación, nihi mu̱ ʼna kjäʼni i mända yä foto, yä video mu̱ xi ngo̱lo o ra ngo̱ro po madé yä mensaje (sexteo)?
¿Gi beni ge ra zo ge kʼa Jehová da xihkígihu̱ ge hin go poxkihu̱ nu ma nzahkihu̱ ko yä mfeni ra ntsʼo? ¿Ó i nkjapu̱?
Nú ankja da zo gi o̱te tse̱dí pa hin gi poxki nu̱ ri mfeni. Núhu̱ nu̱ VIDEO.
Kʼa Hesu bi úhtigihu̱ kʼa petsite go pe̱hmu̱ mu̱ hin di ne go poxkihu̱ nu ma nzahkihu̱. Xödíhu̱ Mateo 5:29, 30 nihi ñähu̱ de gehna:
Kʼa Hesu hin ga mä ge petsite go ʼu̱nsehu̱ nu ma ndoʼyohu̱, má ra zo bi mä ge go ndo̱ hähu̱ ro guenda kʼa di pe̱hmu̱ nihi kʼa di benihu̱. ¿Té ʼbenkä mix ko kjáhu̱ pa hin go poxkihu̱ nu ma mfenihu̱ ko yu̱ ra nts’o?b
Mu̱ ya kra o̱te tse̱dí pa hin gi peʼtsi yä ts’o mfeni, kʼa Jehová i nú ra zo kʼa tse̱dí gi o̱te. Xödíhu̱ Salmo 103:13, 14 nihi ñähu̱ de gehna:
Mu̱ ya kra o̱te tse̱dí pa hin gi o̱te kʼa ra ntsʼo, ¿gi beni ge gehya xe̱ni da möxkí pa yä hin gi kjá kʼa ra ntsʼo? ¿Ó i nkjapu̱?
¡Hin gi hñe̱gi! Mu̱ pi ko o̱te kʼa ra ntsʼo
Hi ra nthí go benihu̱ “Pi do kjá kʼa ra ntsʼo; ya hi i tso go mbödi nu ma nzahki”. Pe beni nuná. Mu̱ ʼna kjäʼni i he̱tari da fu̱ntsi, hi i ne da mä ge ya hin da ʼmöy o ge pi da maʼ di gohí abu̱ bi mu̱dí bi hie̱tari. Nihi i nkjanu̱, mu̱ nuke pi ko kjá kʼa ra ntsʼo hin gi ʼñönfeni, má ra zo o̱te tse̱dí pa pi gi kjá kʼa ra zo. Nuná hi i ne da mä ge goʼtho kʼa ko o̱te ra zo ya hin da zo gi kjá. Xo ʼra ya bes i thogi nkjanu̱ mu̱ nuke gi ne gi kju̱ʼtsí kʼa ra ntsʼo ngi o̱te. Nsohtho ¡hin gi hñe̱gi! Ko kʼa ro mföxte kʼa Jehová da zo gi hie̱ʼ kʼa ra ntsʼo ngi o̱te ha nu̱ ri nzahki.
KʼA I MÄHMU̱ PIʼRA YÄ KJÄʼNI: “Kʼa ra ntsʼo di o̱te i nkja ngu ʼna gihí, ya hi i tso go he̱gí”.
¿Té ma xe̱ni de nu̱ Biblia da zo gi kju̱ pa gi úhtibi kʼa kjäʼni ge hä da zo da hie̱gí kʼa i poxkibi nu̱ ro nzahki?
KʼA KO PÄDI
Di kjáhu̱ da mpoho kʼa Jehová mu̱ di johkihu̱ nu ma nzahkihu̱, nu ma ndoʼyohu̱, ko nu ma mfenihu̱.
Kʼa to núhu̱
¿Ó ra ndo̱ zo hin go poxkihu̱ nu ma nzahkihu̱?
¿Té ʼbenkʼa da zo go pe̱hmu̱ pa zäi go hñohkihu̱?
¿Té ʼbenkʼa da zo go pe̱hmu̱ pa hin da poxki nu ma nzahkihu̱ ko nu ma mfenihu̱?
MÁ GI PÄDI DE GEHNA
Mahke hiʼtsa di hähu̱ yä domi, ¿té da zo go pe̱hmu̱ pa hin da nigi ra mpoxigíhu̱?
Pa hin go hniníhu̱ ma hñohkihu̱: go xu̱hkíhu̱ yu̱ ma ʼye̱hu̱ (3:01)
Xödí ʼra yä mföxte pa da möxkí ya hin gi tsu̱tʼi yä ʼyu̱y.
“Ankja gi hie̱gí gi tsu̱tʼi yä ʼyu̱y” (¡Despertad!, mayo de 2010)
Nú kʼa da thogi mu̱ ʼna kjäʼni i käʼti pornografía.
“Nu̱ pornografía: ¿Kja ra ntsʼo gua hina?” (La Atalaya, 1 de agosto de 2013)
Nú kʼa bi me̱ʼ ʼna ʼno̱ho̱ mi käʼti pornografía ankja ga hie̱gí.
a Ha nu̱ thehke “Má gi pädi de gehna” ge ba íhi ha nuná ntʼudi, da zo gi töti “Ankja gi hie̱gí gi tsu̱tʼi yä ʼyu̱y”, nupu̱ xi nthutsí ʼra yä mföxte pa ya hin gi poxki nu̱ ri ndoʼyo.
b Pa go pädihu̱ ankja go he̱gihu̱ kʼa ra ntsʼo ngu nu̱ masturbación, xödí nu̱ thehke 25 de nu̱ libro Lo que los jóvenes preguntan. Respuestas prácticas (volumen 1), abu̱ i mä “¿Kja da zo go he̱gí kʼa ra ntsʼo di pe̱fí ngu k’a masturbación?”.