NTʼUDI 44
¿Kja i nú ra zo kʼa Tsi Mähkí Tá goʼtho yu̱ tsʼonigo?
Kʼa Jehová i ne go mpohohu̱, nsohtho i ne go kjáhu̱ ʼra yä tsʼonigo. ¿Pe, kja i nú ra zo goʼtho yu̱ tsʼonigo? ¿Ankja da zo go úhtibihu̱ ge di mädíhu̱ nihi ge di hähu̱ ro guenda kʼa i tso?
1. ¿Ó kʼa Jehová hi i nú ra zo goʼtho yu̱ tsʼonigo?
Ta gi ʼyo̱tho mu̱ gi pädi ge ʼra yä tsʼonigo ri ʼníhi de yu̱ íhkji hi ra zo, xo nu̱ Biblia hi i no̱ni gehya tsʼonigo. Nsohtho hi ra zo go kjáhu̱ gehya tsʼonigo, xo ʼra de gehya ri ʼníhi de ku̱ u̱xkjua nihi de ku̱ i úhtite ge kʼa ro alma ʼna kjäʼni hi i tú. Nsohtho ʼra yä kjäʼni i o̱tehu̱ ʼra de gehya tsʼonigo, xo i tsúhu̱ ge mu̱ hin da kjáhu̱ da hmähnihu̱ o da zu̱i ku̱ ánima o ku̱ yo kjä, nihi ta i benihu̱ ge mu̱ hin da kjáhu̱ gehya tsʼonigo hin da ʼmu̱fu̱ ra zo (Isaías 65:11). Nsohtho kʼa Jehová i xiʼ ku̱ yo me̱fí: “ʼUegehu̱ [...] hin gi pe̱ntihu̱ kʼa ra ndo̱ ntsʼo” (2 Corintios 6:17).a
2. ¿Té i beni kʼa Jehová de yu̱ tsʼonigo i tʼo̱tebi yu̱ kjäʼni?
Kʼa Jehová i xihkígihu̱ ge hin go nkjahu̱ ngu yu̱ kjäʼni ge ho̱nse i “íhkjibi kʼa i mä yu̱ kjäʼni”, xo nuná hi ra zo (xödí Jeremías 17:5). ʼRa de gehya tsʼonigo i tʼo̱tebi yu̱ ndä nihi ʼra yä sundado. Piʼra i xo̱hkimbenibihu̱ yu̱ bándera o i nkjáhpibi kʼa ro tsʼonigo de ʼna hnini (1 Juan 5:21). Nihi i ʼbu̱i ku̱ tsʼonigo i tʼo̱tebi ku̱ polihtiko nihi pa ku̱ kjäʼni ge i benihu̱ da mbödi ʼna hnini ko kʼa i mähmu̱. Mu̱ go kjáhu̱ ge ʼna kjäʼni má da hnú ra zo—kjangutho mu̱ i mähmu̱ o i kjáhu̱ kʼa hi i nú ra zo kʼa Tsi Mähkí Tá—, ¿té gi beni da zo kʼa Jehová?
3. ¿Té da tʼo̱te ha ʼna tsʼonigo pa da hnú ge hi ra zo?
Nú Biblia hi i nú ra zo mu̱ “i ndo̱ kja yä íthe ha ʼna tsʼonigo”, nihi ha yu̱ “tsʼonigo abu̱ i tʼo̱te kʼa ra ntsʼo” ko yu̱ “tsʼonigo abu̱ i ndo̱ tsihu̱ yä íthe” (1 Pedro 4:3). Ha ʼra yä tsʼonigo, yu̱ kjäʼni i ntíhu̱ hi i benihu̱ ra zo kʼa i pe̱hmu̱ xo i kjáhu̱ kʼa ra ntsʼo. Mu̱ di nehu̱ ge zäi da nkja ma amigohu̱ kʼa Jehová, ra zo go ʼuegehu̱ de goʼtho yu̱ ra ntsʼo i o̱te yu̱ kjäʼni.
MA PÄDIHU̱ MÁ RA NGU DE NU̱ TEMA
Ma núhu̱ ankja da zo gi kjá kʼa ra zo mu̱ gi ne gi o̱te ʼna tsʼonigo, pa nkjanu̱ gi kjá da mpoho kʼa Jehová.
4. Hin gi maʼ ha yu̱ tsʼonigo abu̱ i nkjáhpi da nsenti kʼa Jehová
Xödíhu̱ Efesios 5:10 nihi ñähu̱ de gehna:
¿Té ʼbenkä ra zo go hähu̱ ro guenda mu̱ di ne go kjáhu̱ ʼna tsʼonigo?
¿Té ma tsʼonigo i tʼo̱te abu̱ gi ʼbu̱hke?
¿Gi beni ge kʼa Jehová i nú ra zo?
¿Kja ko ʼñöni ʼna bes té i beni kʼa Jehová mu̱ i tʼo̱tebi ʼna tsʼonigo ʼna kjäʼni mu̱ i cho̱x kʼa mpa bi ʼmu̱i? Nu̱ Biblia hi i mä ge ʼna kjäʼni mi xo̱hkimbenibi kʼa Tsi Mähkí Tá di maʼ ha ʼna tsʼonigo kʼa tʼo̱tebi ʼna kjäʼni po piʼna kjea kʼa ʼmu̱i, pe hä i no̱ni yoho yä tsʼonigo kʼa tʼo̱tebi yä kjäʼni kʼa tso̱nkjea ku̱ yo kjea kʼa ʼmu̱i, gehya kjäʼni hi mi xo̱hkimbenibi kʼa Tsi Mähkí Tá. Xödíhu̱ Génesis 40:20-22 ko nu̱ Mateo 14:6-10. ʼMe̱fa ñähu̱ de gehna:
¿Té bi thogi ha gehya tsʼonigo?
Ko kʼa xi nthutsí ha gehya xe̱ni, ¿té gi beni ge i tso kʼa Jehová mu̱ i käʼti ge yu̱ kjäʼni i o̱te tsʼonigo mu̱ i cho̱x kʼa mpa xi ʼmu̱i ʼna kjäʼni?
Pe, kja ko ʼñöni “¿Kja i nú ra zo kʼa Jehová mu̱ go kjá ʼna de gehya tsʼonigo abu̱ i phimbi kʼa mpa bi ʼmu̱i ʼna kjäʼni o mu̱ go maʼ ʼna tsʼonigo hi ra zo ngu i mä nu̱ Biblia?”. Xödíhu̱ Éxodo 32:1-8. ʼMe̱fa núhu̱ nu̱ VIDEO nihi ñähu̱ de gehna:
¿Ó ra zo go ndo̱ hähu̱ ro guenda kʼa i nú ra zo kʼa Jehová?
¿Ankja da zo go kjáhu̱?
Ankja go pädihu̱ kja kʼa Tsi Mähkí Tá i nú ra zo ʼna tsʼonigo
¿Kja xi tʼo̱te gehna tsʼonigo ngu i mä nu̱ Biblia? Pa gi pädi, hiöní abu̱ ri ʼníhi gehna tsʼonigo.
Gehya tsʼonigo i tʼo̱te pa má da hnú ra zo yu̱ kjäʼni, yu̱ ndä, yu̱ sundado nihi yu̱ bándera. Pe nugohe, ho̱nse di xo̱hkimbenihe kʼa Jehová, nihi di íhkjihe ge ho̱nse gege da ma gu̱ʼtsí goʼtho yu̱ ra ntsʼo i kjaua ha nu̱ ximojoi.
¿Kja i mä nu̱ Biblia ge ra zo kʼa i tʼo̱te ha gehya tsʼonigo? Hin go he̱gihu̱ da poxki nu̱ ma nzahkihu̱ ko nu̱ ma mfenihu̱.
5. Kjá ge yu̱ piʼra da bädi ra zo kʼa gi mbeni de yu̱ tsʼonigo
Ra nthí go mähmu̱ “hina” mu̱ yu̱ piʼra ndé i xihkígihu̱ go möhö ha ʼna tsʼonigo ge hi i nú ra zo kʼa Jehová. Nú ankja gi xífi yu̱ kjäʼni kʼa ko beni gi kjá. Pa gi pädi té bi me̱ʼ ʼna kjäʼni bi thogi nkjanu̱, núhu̱ nu̱ VIDEO.
Xödíhu̱ Mateo 7:12 nihi ñähu̱ de gehna:
Ngu i mä nuná xe̱ni, ¿kja ra zo gi xiʼ ʼna ri miní ge hi i peʼtsi kʼa ri íhkji ge hi ra zo da o̱te ʼna tsʼonigo?
¿Ankja gi úhtibi ku̱ ri miní ge gi mädí mahke hin gi paʼ ha ku̱ yo tsʼonigo i o̱tehu̱?
6. Kʼa Jehová i ne ge zäi go mpohohu̱
Kʼa Jehová i ne go ʼmu̱fu̱ ra zo nihi go mpohohu̱ ko yu̱ ma miníhu̱ nihi ko yu̱ ma amigohu̱. Xödíhu̱ Eclesiastés 8:15 nihi ñähu̱ de gehna:
¿Ankja ga úhtite nuná xe̱ni ge kʼa Jehová i ne ge zäi go mpohmu̱?
Kʼa Jehová i ne ge ku̱ yo me̱fí da ʼmu̱fu̱ ra zo ko piʼra yä ku nihi ge zäi da mpohohu̱. Núhu̱ nu̱ VIDEO pa gi núhu̱ ge hä i thogi nkjanu̱ a ku̱ ma ndo̱ hmuntsihe abu̱ i paʼ ndunthi yä hnini.
Xödíhu̱ Gálatas 6:10 nihi ñähu̱ de gehna:
¿Kja ra zo go o̱tebihu̱ yä tsʼonigo yu̱ ma miníhu̱ ngu i o̱te yu̱ kjäʼni pa nkjanu̱ go úhtibihu̱ ge di mädíhu̱?
¿Té ma regalo gi ne gi ʼunge: ku̱ i tʼuni mu̱ i tʼo̱tebi ʼna tsʼonigo ʼna kjäʼni, gua genku̱ gi ʼunge po hmädí?
Dunthi yä testigo i o̱tehu̱ tsʼonigo pa ku̱ yo bähtsíhu̱ nihi i ʼunihu̱ ʼra regalo. Mu̱ gi ʼñihke ri bähtsí, ¿té ʼbenkʼa ra zo gi ʼyo̱ʼtebiku̱?
KʼA I MÄHMU̱ PIʼRA YÄ KJÄʼNI: “Hin go ʼñönihu̱ abu̱ ri ʼníh yu̱ tsʼonigo. Kʼa má ra zo, go mpohmu̱ ko yu̱ ma miníhu̱ nihi ko yu̱ ma amigohu̱”.
¿Te gi mänge?
KʼA KO PÄDI
Kʼa Jehová i ne go mpohmu̱ ko yu̱ ma miníhu̱ nihi ko yu̱ ma amigohu̱, pe hi i ne go ʼmu̱fu̱ ha yu̱ tsʼonigo hi i nú ra zo gege.
Kʼa to núhu̱
¿Té ma ntʼöni ra zo go kjáhu̱ pa go pädihu̱ kja kʼa Jehová i nú ra zo ʼna tsʼonigo?
¿Ankjá da zo go fötsíhu̱ yu̱ ma miníhu̱ nihi yu̱ ma amigohu̱ pa da bädihu̱ ra zo kʼa di mbe̱nihu̱ de yu̱ tsʼonigo?
¿Ankjá dra pädíhu̱ ge kʼa Jehová i ne go mpohmu̱ mu̱ te di ntsundohu̱ nihi mu̱ di ʼínihu̱?
MÁ GI PÄDI DE GEHNA
Nxödí pa gi pädi abu̱ ri ʼníhi ʼra de yu̱ tsʼonigo hi i o̱te yu̱ chala kristiano.
“¿Ó yu̱ testigo ga Jehová hi i kjáhu̱ ʼra yä tsʼonigo?” (Artículo de jw.org)
Nú goho yä mföxte pa gi pädi ó kʼa Jehová hi i nú ra zo, mu̱ i tʼo̱te yä tsʼonigo pa da phimbi kʼa mpa bi ʼmu̱i ʼna kjäʼni.
Nú ankja yu̱ tsi bähtsí ge i mädíhu̱ kʼa Jehová da zo da kjáhu̱ da mpoho mu̱ i tʼo̱te ʼra yä tsʼonigo.
Ndunthi yä kristiano hi i kjáhu̱ kʼa tsʼonigo de kʼa mbaxkjua. ¿I mpohmu̱ mu̱ hi i kjáhu̱ gehya tsʼonigo?
“Bi dötihu̱ kʼa má ra zo” (La Atalaya, 1 de diciembre de 2012)