pehla itehas
21 fir shaitan* izraeel khilaf utthya atey os ne daood nu uksaya ki oh izraeel di ginti kare.+ 2 is layi daood ne yoab+ nu atey lokaa de mukhiya nu keha: “jao, ber-shaba to lai ke daan+ tak izraeel di ginti karo; fir aa ke mainu dasso taaki mainu ohna di ginti pata lagge.” 3 par yoab ne keha: “yahovah apne lokaa di ginti 100 guna vadhave! mere prabhu atey maharaj, kee oh sare pehla hi mere malak de sevak nahi han? mera malak eh kamm kyo karna chahunda hai? tu izraeel de gunah di vajha kyo bane?”
4 par yoab nu raje di gall agge jhukna pya. is layi yoab gaya atey sare izraeel vich ghummya jis to baad oh yarushlam aa gaya.+ 5 fir yoab ne daood nu ohna lokaa di ginti dassi jinha de naa darj keete gaye san. sare izraeel vich talvara naal lais 11,00,000 aadmi san atey yahudah de talvara naal lais aadmiya di ginti 4,70,000 si.+ 6 par ohna vich levi atey binyameen gota de naa darj nahi keete gaye+ kyoki raje di gall yoab nu ghinauni laggi si.+
7 eh sabh sache parmeshwar nu bahut bura lagga, is layi os ne izraeel nu saza ditti. 8 fir daood ne sache parmeshwar nu keha: “mai eh kamm kar ke vadda paap keeta hai.+ hun kirpa kar ke apne sevak di galti maaf kar de kyoki mai bahut vaddi moorkhta keeti hai.”+ 9 fir yahovah ne daood de darshi gaad+ naal gall keeti te keha: 10 “jaah atey daood nu keh, ‘yahovah eh kehnda hai: “mai tainu tinn biptava dassda ha. ihna vicho ik chun lai te mai ohi tere te lyaavanga.”’” 11 is layi gaad ne daood kol ja ke keha: “yahovah eh kehnda hai, ‘apne layi chun lai 12 ki tinn sala layi kaal pave,+ ja tinn mahineya layi tainu apne dushmana hatho haar jhallni pave atey tere dushmana di talvar tere te aa pave+ ja tinn dina layi yahovah di talvar chale yani desh vich mahamari pave+ atey yahovah da doot izraeel de sare ilake te tabahi lyaave.’+ hun soch ke dass ki mai apne bhejan vale nu kee javab dya.” 13 is layi daood ne gaad nu keha: “mai barra dukhi ha. kirpa kar ke mainu yahovah de hath vich pai lain de kyoki oh barra dayavaan hai;+ par mainu insaan de hath vich na pain de.”+
14 fir yahovah ne izraeel te mahamari ghali+ jis karke izraeel de 70,000 lok maare gaye.+ 15 is to ilava, sache parmeshwar ne yarushlam da naash karan layi ik doot nu ghalya; par jado oh naash karan hi vala si, taa yahovah ne eh dekhya atey os nu is bipta karke afsos* hoya+ atey os ne bipta liaaun vale doot nu keha: “bass bahut ho gaya!+ hun apna hath rok lai.” os same yahovah da doot yaboosi aarnan de pirr*+ de laage kharha si.
16 jado daood ne apnia nazra utaha chukkiya, taa os ne dekhya ki dharti atey akash vichkar yahovah da ik doot kharha hai atey os ne apne hath vich farri talvar+ yarushlam val nu keeti hoi hai. daood atey bazurg tapparr payi+ ikdam zameen utte muh bhaar lamme pai gaye.+ 17 daood ne sache parmeshwar nu keha: “kee oh mai nahi si jis ne lokaa di ginti karan layi keha si? paap taa mai keeta hai, galti meri hai;+ par ihna bheda da kee kasoor hai? he mere parmeshwar yahovah, kirpa kar ke apna hath mere atey mere pita de gharane khilaf utha; par apne lokaa utte eh bipta na lya.”+
18 fir yahovah de doot ne gaad+ nu keha ki oh daood nu kahe ki oh utaah jave atey yahovah layi yaboosi aarnan de pirr vich ik vedi kharhi kare.+ 19 daood gaad di gall mann ke utaah gaya jo os ne yahovah de naa te kehi si. 20 os same aarnan ne pichhe murr ke os doot nu dekhya atey os de chare puttar luk gaye jo os de naal san. os vele aarnan kanak gaah reha si. 21 jado daood os kol aaya, taa aarnan ne apnia nazra utaah chukkiya te daood nu dekhya. oh ose vele pirr vicho bahar gaya atey os ne daood agge godya bhaar baith ke sir nivaya. 22 daood ne aarnan nu keha: “pirr di zameen mainu vech* de taaki mai is te yahovah vaste ik vedi banava. mere to is di poori keemat lai la taaki lokaa utte aayi mahamari ruk jave.”+ 23 par aarnan ne daood nu keha: “mera prabhu atey maharaj is nu apni hi samjhe te ohi kare jo os nu changa laggda hai. aah rahe hom-baliya layi pashu atey balan vaste fala*+ te anaaj de charhave layi kanak. mai eh sara kujh dinda ha.”
24 par raja daood ne aarnan nu keha: “nahi, mai eh sabh poora mull de ke khareedanga kyoki jo tera hai, oh lai ke mai yahovah nu nahi diaanga ja oh hom-baliya nahi charhavanga jinha di mainu koi keemat nahi chukauni payi.”+ 25 is layi daood ne sone de 600 shekel* tol ke aarnan nu zameen layi ditte. 26 atey daood ne uthe yahovah layi ik vedi banayi+ atey hom-baliya te shanti-baliya charhaiya atey os ne yahovah da naa lai ke pukarya jis ne swarg to hom-bali di vedi utte agg bhej ke os nu javab ditta.+ 27 fir yahovah ne doot nu hukam ditta+ ki oh talvar nu vapas myaan vich pa lave. 28 os same jado daood ne dekhya ki yahovah ne yaboosi aarnan de pirr vich os nu javab ditta si, taa oh bakaida uthe baliya charhaunda reha. 29 par os same yahovah da dera jo moosa ne ujaad vich banaya si atey hom-bali di vedi gibon vich uchi jagah te si.+ 30 daood parmeshwar to salah lain layi is agge nahi ja sakya kyoki oh yahovah de doot di talvar karke bahut dar gaya si.