bivastha saar

1 moosa ne eh galla izraeel nu yardan de nerre ujaad vich kehiya san. eh ujaad soof de samne atey paran, tofal, labaan, haseroth atey deezahab de vichkar hai. 2 seir paharr de rastyo horeb to kadesh-barnea+ jaan layi 11 din laggde han. 3 atey 40ve saal+ de 11ve mahine di pehli tareekh nu moosa ne izraeeliya* nu oh sariya galla dassiya jo yahovah ne moosa nu ohna nu dassan layi kehiya san. 4 is to pehla moosa ne amoriya de raje sihon+ nu atey adrayi vich bashan de raje og+ nu haraya si. sihon heshbon vich rehnda si atey og ashtarath vich rehnda si.+ 5 moab vich yardan de ilake vich moosa ne is kanoon nu samjhauna shuru keeta.+ os ne keha:

6 “sadde parmeshwar yahovah ne horeb vich sanu keha si, ‘tusi is paharri ilake vich lambe same to ruke hoye ho.+ 7 hun tusi utho atey amoriya+ de paharri ilake atey is de nerrle ihna sare ilakya vich jao: arabah,+ paharri ilaka, sheflah, negeb, samundri tat+ atey canaaniya da desh. tusi lebanon*+ atey vadde darya faraat+ tak jao. 8 sara desh tuhade samne hai. jao atey os desh te kabza karo jis bare yahovah ne tuhade pyo-dadya abraham, isaac+ atey yakoob+ naal soh khadhi si ki oh eh desh ohna nu atey ohna di santan* nu devega.’+

9 “atey mai os vele tuhanu keha si, ‘mai ikkala tuhanu sambh nahi sakda.+ 10 tuhade parmeshwar yahovah ne tuhanu inna vadhaya hai ki ajj tuhadi ginti akash de tarya jinni hai.+ 11 tuhade pyo-dadya da parmeshwar yahovah tuhanu hor vi hazaar guna vadhave+ atey apne vaade anusar tuhanu barkat deve.+ 12 mai ikkala kis tarha tuhada bojh chukk sakda atey tuhadiya samassyaava te jhagrre najith sakda?+ 13 is layi tusi apne gota vicho budhiman, samajhdar atey tajarbekar aadmi chuno atey mai ohna nu tuhade te mukhiya vajo niyukt karanga.’+ 14 tusi mainu javab vich keha si, ‘ha, is tarha karna vadiya hovega.’ 15 is layi mai tuhade gota de mukhiya vicho budhiman atey tajarbekar aadmiya nu chun ke tuhade te mukhiya vajo niyukt keeta. mai ohna nu hazaar-hazaar utte, sau-sau utte, panjah-panjah utte atey das-das utte mukhiya atey tuhade gota de adhikariya vajo niyukt keeta.+

16 “os same mai tuhade niyakara nu eh hidayat ditti, ‘tusi sachayi naal har masle da faisla karo,+ chahe eh masla do izraeeliya ja fir kise izraeeli te pardesi vich hove.+ 17 tusi faisla karde vele pakhpaat na karo.+ tusi kamzor te takatvar dova di gall suno.+ tusi insaana to na daro+ kyoki niya karan vala parmeshwar hi hai.+ je tuhade layi kise masle nu suljhauna bahut aukha hai, taa oh masla mere kol lai ke aao atey mai is di sunvayi karanga.’+ 18 mai tuhanu os vele hi dass ditta si ki tusi kee karna hai.

19 “fir asi apne parmeshwar yahovah da hukam mannde hoye horeb to tur paye atey vaddi atey khatarnak ujaad vicho di langhe.+ eh ujaad tusi amoriya de paharri ilake+ nu jande hoye raah vich dekhi si. fir asi turde hoye kadesh-barnea pahunche.+ 20 fir mai tuhanu keha si, ‘tusi amoriya de paharri ilake vich aa gaye ho jo sadda parmeshwar yahovah sanu devega. 21 dekho, tuhade parmeshwar yahovah ne eh desh tuhade havale kar ditta hai. jao atey is utte kabza karo, theek jive tuhade pyo-dadya de parmeshwar yahovah ne tuhanu keha si.+ tusi na daro atey na hi khauf khao.’

22 “par tusi sarya ne mere kol aa ke keha, ‘kyo na aapa pehla os desh di jasoosi karan layi kujh aadmi ghaliye jo vapas aa ke sanu dassange ki sanu kehrre raah jana chaheeda hai atey uthe sanu keho jehe shehera naal larrna pavega.’+ 23 mainu tuhadi salah changi laggi, is layi mai is kamm layi 12 aadmi yani sare gota vicho ik-ik aadmi chunya.+ 24 oh utho tur ke paharri ilake+ vich gaye atey ohna ne ashkol ghati vich pahunch ke os desh di jasoosi keeti. 25 oh sadde layi os desh de kujh fal lai ke aaye atey ohna ne sanu dassya, ‘sadda parmeshwar yahovah sanu jo desh devega, oh bahut hi vadiya hai.’+ 26 par tusi uthe jaan to inkaar keeta atey apne parmeshwar yahovah de hukam de khilaf ja ke bagavat keeti.+ 27 tusi apne tambuaa vich burrburraunde hoye kehnde rahe, ‘yahovah sadde naal nafrat karda hai, taa hi oh sanu misar vicho kadd ke amoriya de havale kar reha hai taaki asi naash ho jayiye. 28 pata nahi oh jagah kidda di hai jithe asi ja rahe ha? asi apne bhrava di is gall karke dil haar gaye,*+ “oh lok sadde nalo takatvar atey uche-lambe han. ohna de sheher vadde-vadde han atey shehera diya mazboot kandha akash tak uchiya han.+ asi uthe anaki lok+ dekhe.”’

29 “is layi mai tuhanu keha, ‘tusi ohna to khauf na khao atey na hi ohna to daro.+ 30 tuhada parmeshwar yahovah tuhade agge-agge javega atey tuhade layi larrega,+ jive oh tuhade samne misar vich larrya si.+ 31 ujaad vich tusi dekhya ki tusi jithe kite vi gaye, tuhade parmeshwar yahovah ne tuhanu apnia baha vich chukkya, jive ik pita apne puttar nu chukkda hai, jad tak tusi ithe nahi pahunch gaye.’ 32 par is de bavjood vi tusi apne parmeshwar yahovah utte nehcha nahi keeti.+ 33 oh tuhade agge-agge ja ke tuhade vaste tambu laun di jagah labhda si. oh tuhanu raah dikhaun layi raat nu agg de thamm vich atey dine baddal de thamm vich pragat hunda si.+

34 “odo yahovah tuhadi burr-burr sunda reha atey krodh naal bhar gaya atey os ne soh khadhi,+ 35 ‘is dusht peerri da ik vi aadmi oh vadiya desh nahi dekhega jis nu den di mai tuhade pyo-dadya naal soh khadhi si.+ 36 sirf yafunnah da puttar kaleb hi oh desh dekhega atey mai os nu atey os de puttra nu oh zameen diaanga jis utte os ne pair rakhya si kyoki oh poore dil naal* yahovah de pichhe-pichhe turya.+ 37 (tuhade karke yahovah mere naal vi gusse ho gaya atey os ne keha, “tu vi os desh vich nahi javenga.+ 38 noon da puttar yahoshua jo tera sevadar hai,*+ os desh vich javega.+ os nu takrra kar*+ kyoki oh os desh utte kabza karan vich izraeel di agvayi karega.”) 39 is to ilava tuhade bache jinha bare tusi keha si ki ohna nu tuhade to khoh lya javega+ atey tuhade puttar jinha nu aje sahi-galat bare pata nahi hai, os desh vich jaange atey mai oh desh ohna de kabze heth karanga.+ 40 par jitho tak tuhadi gall hai, tusi vapas murr jao atey lal samundar de raste thani ujaad vich chale jao.’+

41 “eh sunn ke tusi mainu keha, ‘asi yahovah de khilaf paap keeta hai. par hun asi apne parmeshwar yahovah da hukam mannde hoye uthe ja ke larrange!’ is layi tusi sarya ne apne hathyaar chukk laye atey tusi sochya ki os paharr te ja ke poore ilake nu jittna saukha hovega.+ 42 par yahovah ne mainu keha, ‘ohna nu keh: “tusi paharr te larran na jao kyoki mai tuhade naal nahi hovanga.+ je tusi gaye, taa tusi apne dushmana de hatho haar jaoge.”’ 43 is layi mai tuhade naal gall keeti, par tusi meri gall nahi suni. is di bajaye, tusi yahovah de hukam de khilaf ja ke bagavat keeti atey os paharr te jaan di gustakhi keeti. 44 fir paharr te rehnde amoriya ne tuhade te hamla kar ditta atey madhu-makhiya vang tuhade pichhe pai ke tuhanu bhaja ditta atey tuhanu seir to lai ke harmah tak khinda ditta. 45 is layi tusi vapas aa gaye atey yahovah agge ron lagge, par yahovah ne tuhadi ik na suni atey na hi tuhade val dhyaan ditta. 46 ise karke tusi inna lamba sama kadesh vich hi rahe.