35 Insan diad saman ya agew et imbiig to iray kalakian a kanding a gulisan tan baklayan tan amin a kabatyan a kanding a batekan tan baklayan, amin a walaan na amputin batek tan amin a deketan ed saray kilaw a kalakian a karnero, tan impaasikaso to iratan ed saray ananak to. 36 Kayari na satan, inyarawi tod si Jacob iray pulok to a say kaarawi et taloy agew ya akaren, tan pinastolan nen Jacob iray akeran pulok nen Laban.