11 Tan sikatoy nansamba: “O Jehova na saray armada, no imanoen moy paniirap na lingkor mo tan nonoten mo ak tan no agmo lingwanan so lingkor mo tan ikdan mo na anak a laki so lingkor mo,+ sikatoy iter kod si Jehova diad amin ya agew na bilay to, tan anggapoy labahas ya ondalan ed ulo to.”+

11 Insan sinmempet lay Elkana ed abung to diad Rama, balet samay ugaw et nagmaliw a lingkor nen* Jehova+ diad panangiwanwan nen Eli a saserdote.

16 Kaaruman ni iya ed samay ibubunog ed saray lalakin mantaon na talora a patagey a walad listaan na kapolian, saramay inagew-agew ya oonla pian manlingkor ed abung nen Jehova tan manumpal ed betang na saray grupo ra.