10 “Ontan met ed saray maliket ya okasyon yo+—saray piesta yo+ tan diad gapo na saray bulan yo—nepeg yon paknolen iray trumpeta diad arap na saray apay yon popoolan+ tan saray bagat yon pandurungoan;+ onkana iratan bilang panonot ed sikayo diad arapan na Dios yo. Siak si Jehova a Dios yo.”+

4 Natan et mangipaalagey ak na abung parad ngaran nen Jehova a Dios ko, a pasantosen ko parad sikato, pian makapanpaasewek na ambalingit ya insenso+ ed arapan to, ontan met parad saray regular ya iyaapay a nantatapewan a tinapay*+ tan saray apay a popoolan, diad kabuasan tan labi,+ legan na Sabaton,+ balon bulan,+ tan no panaoy piesta+ nen Jehova a Dios mi. Saya et manbayag ya obligasyon na Israel.