12 Insan nampanengneng si Jehova ed si Solomon+ diad saman a labi, tan inkuan tod sikato: “Nadngel koy pikakasim, tan pinilik iyan pasen parad siak bilang abung a pambagatan.+ 13 Sano saraan koy tawen tan ag-onuran tan sano ibakik iray duron a mangupot ed saray tanaman ed dalin tan no mangidapo ak na salot ed saray totook, 14 no saray totook ya atawag ed ngaran ko+ et manpaabeba+ tan manpikasi ra tan anapen da ak tan taynan da ray mauges a kagagawa ra,+ ondengel ak manlapud tawen tan perdonaen koy kasalanan da tan paabigen koy dalin da.+