21 Insan sinmabi so balang sakey a pinakiwas na puso to+ tan balang sakey a dinagdag na espiritu to tan inyakar day kontribusyon da parad si Jehova pian usaren ed tolda a pantitiponan, parad amin a pangusaran ed satan, tan parad saray masanton kawes.

9 Nanliketan na saray totoo so impangiter da na saray boluntaryon apay, ta interon puso iran angiter na saray boluntaryon apay ed si Jehova,+ tan nanliket met a maong si Arin David.

14 Ta sikay imbaki na ari tan say pitoran mananimbawa to pian usisaen mo no kasin say Ganggan na Dios mo a walad sika* et uunoren ed Juda tan Jerusalem, 15 tan awiten mo ray pilak tan balitok a boluntaryon inter na ari tan saray mananimbawa to parad Dios na Israel, a manaayam ed Jerusalem, 16 pati say amin a pilak tan balitok a naaawat* mo ed amin a probinsya* na Babilonia, ontan met iray regalo a boluntaryon iiter na totoo tan saray saserdote parad abung na Dios da, a walad Jerusalem.+