6 Dinmalan si Jehova ed arapan to tan inyabawag to: “Jehova, Jehova, a Dios a mapangasi+ tan maabagey,+ matantan a manpasnok+ tan abalbaleg ed matoor a panangaro*+ tan katuaan,*+ 7 a mangipapatnag na matoor a panangaro ed saray nilibo,+ mameperdona na impakalingo, impakasumlang, tan kasalanan,+ balet agton balot abuloyan ya agnadusa so nankasalanan,+ a dusaen to iray ananak tan saray apo lapud impakalingo na saray kaamaan, diad komatlon henerasyon tan komapat a henerasyon.”+

9 Amtam a si Jehova a Dios mo so tuan Dios, say matoor a Dios, a manusumpal ed sipanan to tan mangipapatnag na matoor a panangaro to ed sanlibon henerasyon na saramay mangaaro ed sikato tan manusumpal ed saray ganggan to.+

 3 Agto nilingwanan so matoor a panangaro to tan say katooran to ed sankaabungan na Israel.+

Anengneng na interon dalin so panangiliktar na Dios tayo.*+