31 Insan oniay nibalita ed si David: “Kaiba si Ahitofel ed saramay akikomplot+ ed si Absalom.”+ Diad saman et inkuan nen David: “O Jehova,+ ipangasim, pagmaliw mon makulangkulang so simbawa nen Ahitofel!”+

23 Sanen anengneng nen Ahitofel ya agda ginawa so simbawa to, imparaan toy asno tan linmad abung to diad baley a niyanakan to.+ Kayari ton binilin so sankaabungan to,+ imbitay toy inkasikato.+ Kanian sikatoy inatey tan niponpon diad pasen ya angiponponan ed saray inmuunan atateng to.