7 Balet inkuan nen Jehova ed si Samuel: “Agka onnenengneng ed itsura tan katagey to,+ ta aliwan sikato so pinilik. Say Dios et aliwan singa too ya onnenengneng ed akinpaway ya itsura, noagta si Jehova et onnenengneng ed puso.”+

3 “Kasian mo ak, O Jehova, nonot mo komon a nanmatoor ak ed sika diad interon puso, tan ginawak so maabig ed pakanengneng mo.”+ Tan nanakis a maong si Hezekias.

17 Amtak, O Dios ko, ya uusisaen moy puso+ tan panliliketan mo so integridad* na sakey.+ Diad kaptekan* na pusok et boluntaryok ya inyapay irayan amin a bengatla, tan pinasyay liket ko sanen anengneng ko ray totoom a wadia a mangiiter na boluntaryon apay ed sika.