26 Kanian inala da may sakey a kilaw a kalakian a bakan inter ed sikara, imparaan da, tan ag-ira tinmundan tinmawag ed ngaran nen Baal manlapud kabuasan ya anggad ugto, a kuan da: “O Baal, ebatan mo kami!” Balet anggapoy boses a narengel da tan anggapoy oneebat.+ Et mankitkitley iran nansayaw-sayaw ed paliber na altar a ginawa ra.

37 Kanian tinmaynan si Arin Senakerib na Asirya tan pinmawil ed Ninive+ tan nansiansia diman.+ 38 Tan sanen ondadakmomo ed abung* na dios ton si Nisroc, sikatoy pinatey na saray ananak ton si Adramelec tan Sarezer diad espada,+ insan batik ira ed dalin na Ararat.+ Tan si Esar-hadon+ ya anak to so nagmaliw ya ari a kasalat to.

5 Ataktakot a maong iray marino, kanian kada sakey ed sikara et kinmerew na tulong ed dios to. Tan imbabantak da ed dayat iray kagawaan a walad barko, pian onlemew itan.+ Balet si Jonas et walad daledalem na barko, a diman so dinukolan to tan masamit so ugip to.