25 Iyakar kod sikayo so espada ya ombales lapud impanumlang yo ed sipanan.+ No mantitipon kayo ed saray syudad yo, idapok so sakit ed pegley yo,+ tan niyawat kayo ed lima na sakey a kabusol.+

13 Tan naamtaan yo a siak si Jehova,+ sano saray napatey ed sikara et nitaytayak ed kawalaan na saray makapadimlan idolo ra, diad kaliberliber na saray altar da,+ diad saray atagey a pukdol, diad toktok na amin a kapalandeyan, diad kada silong na masalompapak a kiew, tan diad silong na saray sanga na angkakabaleg a kiew, a ditan da inyapay iray ambalingit ya bagat* pian napaliket day amin a makapadimlan idolo ra.+