17 Kanian pinakiwas ton milaban ed sikara so ari na saray Caldeo,+ a pinapatey tod espada iray kalangweran a lalaki ra+ diad santuaryo ra;+ ag-akaliknay panangasi ed kalangweran a laki odino bii, matatken odino mansasakit.+ Amin et inyawat na Dios ed lima to.+

17 “Singa nitaytayak a karnero iray totoo na Israel.+ Inablog ira na saray leon.+ Unona, sikaray inakmon na ari na Asirya;+ insan nginatngat nen Arin Nabucodonosor* na Babilonia iray pukel da.+