• Jeremias 50:9
    Balon Mundo a Patalos na Masanton Kasulatan

    •  9 Ta turoen ko tan iyakar ko sumpad Babilonia

      So sakey ya ulop na saray baleg a nasyon manlapud dalin ed amianen.+

      Mandarasig iran milaban ed sikato;

      Sikatoy nasakop.

      Saray pana ra et singa saray pana na sundalo,

      A pansengegay ipatey na saray ananak;+

      Ag-iratan ompawil ya anggapoy resulta.

  • Jeremias 51:27, 28
    Balon Mundo a Patalos na Masanton Kasulatan

    • 27 “Mangitagey kayoy tanda* diad dalin.+

      Paknol yoy tambuyog ed limog na saray nasyon.

      Manuro* kayo na saray nasyon a miguerra ed sikato.

      Patawag yo ray panarian na Ararat,+ Mini, tan Askenaz+ a milaban ed sikato.

      Mamili kayo na opisyal na armada a milaban ed sikato.

      Patatdang yo ray kabayo a singa saray mabagon duron.

      28 Manuro* kayo na saray nasyon a miguerra ed sikato,

      Saray arari na Media,+ saray gobernador to tan amin a kasandin manuley to,

      Tan amin a dalin ya uuleyan da.