9 Pinoolan toy abung nen Jehova,+ abung* na ari,+ tan amin a kaabungan ed Jerusalem;+ pinoolan to met so abung na kada prominentin too.+ 10 Tan saray padir ya akapaliber ed Jerusalem et inggeba na interon armada na saray Caldeo a kaiba na pangulo na saray guardia.+

7 Diad kaunoran et abungaw day padir na syudad, tan diad labi et batik so amin a sundalo, a dinmalan irad puerta ed nanleetan na duaran padir diad abay na hardin na ari, legan ya akapaliber ed syudad iray Caldeo; tan nantultuloy iran amaarap ed Araba.+