11 Anengneng kon alukasan so tawen, tan walay sakey ya amputin kabayo.+ Tan samay akakabayo ed satan et tatawagen a Matoor+ tan Matua,+ tan sikato so manguukom tan milalaban unong ed inkatunong.+

15 Tan diad sangi to et ompapaway so sakey a makdem tan andukey ya espada+ a pangabil tod saray nasyon, tan pastolan to ra diad panamegley na baston a balatyang.+ Ontan met, igagatin-gatin to so panagpespesan na baleg a sanok na Dios a Makapanyarin-amin.+