Watchtower ONLINE YA LIBRARYA

Watchtower ONLINE YA LIBRARYA

ONLINE YA LIBRARYA

Isaias 4:2

Balon Mundo a Patalos na Masanton Kasulatan
- 2 Diad satan ya agew, samay pasimiten nen Jehova et magmaliw a makapadinayew tan magloria, tan say bunga na dalin et magmaliw a sengegay pampasirayew tan karakpan na saramay akaliktar a totoo na Israel.+

Isaias 27:6

Balon Mundo a Patalos na Masanton Kasulatan
- 6 Diad saray onsabin agew et onlamot so Jacob,
  Manrosas tan onsimit so Israel,+
  Tan panoen day bunga so dalin.+

Isaias 35:6

Balon Mundo a Patalos na Masanton Kasulatan
- 6 Diad satan a panaon et onlukson singa ulsa so piley,+
  Tan oneyag ed liket so dila na emel.+
  
  Ta ombusitsit so danum diad kalawakan,
  Tan onagus so danum diad patar a desierto.

Isaias 51:3

Balon Mundo a Patalos na Masanton Kasulatan
- 3 Ta ligliwaen nen Jehova so Sion.+
  
  Ligliwaen to so amin ya aderal a pasen ditan,+
  Tan gawaen ton singa Eden so kalawakan+
  Tan singa hardin nen Jehova so patar a desierto.+
  
  Naromog ditan iray panliliket, gayaga,
  Pisasalamat tan balibalin kansion.+

Ezequiel 36:35

Balon Mundo a Patalos na Masanton Kasulatan
- 35 Tan ibaga na saray totoo: “Say dalin ya agpanaayaman et nagmaliw a singa hardin na Eden,+ tan saray syudad ya aderal tan agpanaayaman tan nagba et apadiran tan panaayaman la natan.”+