27 Et inkuan nen Jehova: “Ekalen ko met so Juda ed arapan ko,+ a singa ginawak ed Israel;+ tan ipulisay ko yan syudad a pinilik, say Jerusalem, tan say abung ya imbagak a, ‘Mansiansia ditan so ngaran ko.’”+

3 Seguradon lapud ganggan nen Jehova kanian agawa iyad Juda, ya ekalen to ra ed arapan to+ makasengeg ed amin a kasalanan a ginawa nen Manases,+ 4 ontan met ed impamaagus toy dala na saray andiay kasalanan,+ ta pinano toy Jerusalem na dala na saray andiay kasalanan tan agnilabay nen Jehova so mamerdona.+