13 Insan inyakar ed sikato na totoo iray ugugaw pian itapew tod sikara iray lima to tan ipikasi to ra, balet binano ira na saray disipulo.+ 14 Balet inkuan nen Jesus: “Paulyan yo ray ugugaw, tan agyo ra aamperen ya onasingger ed siak, ta singa sarayan ugugaw so akankayarian ed Panarian na tawen.”+ 15 Tan intapew toy lima tod sikara insan la linma.

13 Natan et inyakar na totoo ed sikato iray ugugaw pian ipabemben da rad sikato, balet binano ira na saray disipulo.+ 14 Sanen anengneng itan nen Jesus, agto agustoan tan inkuan tod sikara: “Paulyan yo ray ugugaw ya onasingger ed siak. Agyo ra aamperen, ta singa sarayan ugugaw so akankayarian na Panarian na Dios.+ 15 Ibagak ed sikayoy tua, siopaman ya agmangawat ed Panarian na Dios a singa sakey ya ugaw et agbalot makaloob ditan.”+ 16 Tan nilalakap to ray ugugaw tan benendisyonan to ra, ya intapew toy lima tod sikara.+