8 Kanian lapud takot tan panlikliket da, sikaray nanapuran tinmaynan ed pakanodnonotan a lubok, a binmatik irad saray disipulo to pian ibaga ra itan.+

39 Nengneng yo iray limak tan salik, ta siak iya; diwit yo ak tan nengneng yo, ta say sakey ya espiritu et andian na laman tan pukepukel a singa nanenengneng yon walad siak.” 40 Tan legan ton ibabaga iya, impanengneng tod sikara iray lima tan sali to. 41 Balet sanen agni ran siansia makapanisia lapud panlikliket tan pankelkelaw da, intepet to: “Walay naakan dia?”

19 Sanen mansirunget lad saman ya unonan agew na simba, linmoob si Jesus ed kawalaan na saray disipulo anggaman akatalak iray puerta ra lapud takot dad saray Judio, tan inmalagey ed pegley da tan inkuan tod sikara: “Niwala komon ed sikayo so kareenan.”+ 20 Kayari ton imbaga iya, impanengneng tod sikara iray lima to tan diking to.+ Diad saman et malikeliket iray disipulo sanen anengneng day Katawan.+