3 tan lapud parehoy anapan da, sikatoy akiayam ed abung da tan nankimey a kaiba ra,+ ta managgaway tolda so anapan da.

34 Amta yon mismo a nankimey ak pian naasikaso iray pankaukolan ko+ tan saramay kaibak.

9 Seguradon nanononotan yo, agagi, so impankimey tan impansagpot mi. Agew-labi kamin nantrabaho pian agkami magmaliw a pabelat ed anggan siopa ed sikayo diad pinansyal,+ sanen impulong mid sikayo so maong a balita nipaakar ed Dios.