20 Say espiritu na Dios et niwala* ed si Zacarias ya anak nen Jehoiada+ a saserdote, tan sikatoy inmalagey ed arap na totoo tan inkuan tod sikara: “Oniay imbaga na tuan Dios, ‘Akin et susumlangen yo ray ganggan nen Jehova? Agkayo ontalona! Lapud tinaynan yoy Jehova, taynanan to kayo met.’”+ 21 Balet nankokomplot ira sumpad sikato+ tan diad ganggan na ari et sikatoy tinutupak da diad sular na abung nen Jehova.+