Numeros
23 Diad saman et inkuan nen Balaam ed si Balak: “Ipaalageyan mo ak na pitoran altar diad sayan pasen,+ tan iparaanan mo ak na pitoran kalakian a baka tan pitoran kalakian a karnero.” 2 Ginawan tampol nen Balak so imbaga nen Balaam. Tan angiyapay si Balak tan Balaam na sakey a kalakian a baka tan sakey a kalakian a karnero ed kada altar.+ 3 Insan inkuan nen Balaam ed si Balak: “Mansiansia ka diad abay na apay mon popoolan, tan onla ak la. Agla pigan manpanengneng ed siak si Jehova. Ibagak ed sika so antokaman ya iparungtal tod siak.” Kanian sikatoy linmad sakey a pukdol ya anggapoy tanem.
4 Insan nila na Dios si Balaam,+ ya angikuan ed Sikato: “Angipaalagey ak na pitoran altar a nandarasig, tan angiyapay ak na sakey a kalakian a baka tan sakey a kalakian a karnero ed kada altar.” 5 Inyan nen Jehova irayan salita ed sangi nen Balaam:+ “Pawil kad si Balak, tan oniay ibagam.” 6 Kanian sikatoy pinmawil tan anengneng ton akaalagey si Balak tan amin a prinsipe na Moab diad abay na apay ton popoolan. 7 Insan imbalikas to iyan proverbio:+
“Manlapud Aram+ et inawit ak nen Balak ya ari na Moab, Manlapud kapalandeyan ed bukig:
‘Gala ta isambam si Jacob parad siak.
On, gala ta kondenaen moy Israel.’+
8 Panon kon isamba iramay ag-insamba na Dios?
Tan panon kon kondenaen iramay agkinondena nen Jehova?+
9 Manlapud toktok na kabatoan et nanenengneng ko ra,
Tan manlapud saray pukdol et nanenengneng ko ra.
Bilang sakey a baley et sikara labat so manaayam diman;+ Ipapasen day inkasikara a biig ed saray nasyon.+
10 Siopay makabilang ed saray totoo na Jacob a singa dabok so karakel da?+
Odino siopay makabilang ed anggan kakapat na Israel?
Komon ta ompatey ak* a singa ed ipapatey na maptek a totoo,
Tan say anggaan ko et singa say pangangga ra.”
11 Insan inkuan nen Balak ed si Balaam: “Anto yay ginawam ed siak? Inawit ta ka dia pian isambam iray kalaban ko, tan natan et anggapo lay ginawam noag say bendisyonan ira.”+ 12 Inyebat to: “Agko ta salitaen so antokaman ya iyan nen Jehova ed sangik?”+
13 Inkuan nen Balak ed sikato: “Ipangasim, mila kad siak ed arum a pasen a pakabantagan mod sikara. Nanengneng mo labat so daiset ed sikara; agmo ra nanengneng ya amin. Diman et isambam ira parad siak.”+ 14 Kanian sikatoy inawit tod uma na Zofim, diad toktok na Pisga,+ tan sikatoy angipaalagey na pitoran altar tan angiyapay na sakey a kalakian a baka tan sakey a kalakian a karnero ed kada altar.+ 15 Kanian inkuan nen Balaam ed si Balak: “Manalagar ka diad abay na apay mon popoolan, tan onla ak diman a mitongtong ed Sikato.” 16 Tan akitongtong si Jehova ed si Balaam tan inyan tod sangi to irayan salita:+ “Pawil kad si Balak, tan oniay ibagam.” 17 Kanian sikatoy linmad sikato tan anengneng ton manaalagar ed abay na apay ton popoolan, tan kaiba to iray prinsipe na Moab. Intepet nen Balak: “Antoy inkuan nen Jehova?” 18 Diad saman et imbalikas to iyan proverbio:+
“Alagey ka, Balak, tan talineng ka.
Dengel mo ak, O anak nen Zipor.
19 Say Dios et aliwan singa sakey a too a makapantila,+
Sano walay ibaga to, agta gawaen to?
Sano mansalita, agta sumpalen to?+
21 Agto abuloyan so antokaman a pakapanyari na panagmahiko ya onsumpad Jacob,
Tan agto abuloyan so antokaman a desyang ed Israel.
Si Jehova a Dios to et walad sikara,+
Tan sikatoy nirarayew bilang ari ra.
22 Say Dios so angipaway ed sikara ed Ehipto.+
Sikatoy magmaliw a singa saray saklor na toro parad sikara.+
Natan et nayarin nibaga nipaakar ed Jacob tan Israel:
‘Nengneng yo no antoy ginawa na Dios!’
24 Nia so totoon ontalindeg a singa sakey a leon,
Tan singa sakey a leon et ontalindeg iyan mismo.+
Ag-iya ondukol ya anggad agto naupot so biktima to
Tan anggad agto nainum so dala na saray pinatey.”
25 Insan inkuan nen Balak ed si Balaam: “No sikatoy agmo lanlamang nayarian ya isamba, agmo met la sirin bebendisyonan.” 26 Inebatan nen Balaam si Balak: “Agta inkuan ko lad sikan, ‘Gawaen ko so amin ya ibaga nen Jehova’?”+
27 Inkuan nen Balak ed si Balaam: “Ipangasim, gala, ta iyakar ta kad sananey nin pasen. Ompan maptek ed pakanengneng na tuan Dios a sikatoy isambam diman parad siak.”+ 28 Kanian inawit nen Balak si Balaam diad toktok na Peor, ya akaarap ed Jesimon.*+ 29 Insan inkuan nen Balaam ed si Balak: “Ipaalageyan mo ak na pitoran altar diad sayan pasen, tan iparaanan mo ak na pitoran kalakian a baka tan pitoran kalakian a karnero.”+ 30 Kanian ginawa nen Balak so imbaga nen Balaam, tan sikatoy angiyapay na sakey a kalakian a baka tan sakey a kalakian a karnero ed kada altar.