Proverbio

19 Mas maong ni magmaliw a mairap-bilay a walaay integridad+

Nen say magmaliw a makulangkulang tan mansalitay katilaan.+

 2 Say too* ya andiay kakabatan et aliwan maabig,+

Tan samay bengatbengat ya onkikiwas* et mankakasalanan.

 3 Say inkamakulangkulang na too so mamipikewet ed dalan to,

Tan onsasanok so puso to ed si Jehova.

 4 Say toon mayaman et dakdakel so kakaaro to,

Balet say mairap-bilay et taynanan na anggan say kaaro to.+

 5 Say palson testigo et agto natakasan so dusa,+

Tan samay puro katilaan so ibabaga to et agmakabatik.+

 6 Dakel so onkekerew na pabor na gagalangen a too,*

Tan amin et kaaro na samay mangiiter na regalo.

Nagkalalo la sirin a sikatoy aarawian na kakaaro to!+

Tutumboken to ra pian onkerew ed sikara, balet anggapoy mangiiter.

 9 Say palson testigo et agto natakasan so dusa,

Tan samay puro katilaan so ibabaga to et naandi.+

10 Agmanepeg ed sakey a makulangkulang so maluhon kabibilay;

Nagkalalo la sirin ya agmanepeg ed sakey a lingkor ya uleyan iray prinsipe!+

11 Say aralem a pakatalos na too so mamakepa ed pasnok to,+

Tan karakpan ed sikato so pamalabas na kasalanan.*+

12 Say sanok na ari et singa panngernger na leon,*+

Balet say pabor to et singa linaew ed karikaan.

13 Say makulangkulang ya anak et pakakairapan nen ama to,+

Tan say makolkol* ya asawan bii et singa atep ya agbalot ontunday panterter to.+

14 Say abung tan kayamanan et tawir manlapud kaamaan,

Balet say makatebek ya asawan bii et manlapud si Jehova.+

15 Say inkangiras et gawaen ton maugi-ugip so sakey,

Tan say too* ya agto labay so mankimey et naerasan.+

16 Samay manguunor ed ganggan et pansiasiansiaen toy bilay* to;+

Samay palpalaran ed saray dalan to et ompatey.+

17 Samay mangipapatnag na kaabigan ed pakaskasi et manpapautang ed si Jehova,+

Tan sikatoy balesen* To ed gagawaen to.+

18 Disiplinam so anak mo legan a wala ni ilalo,+

Tan agka magmamaliw a sengegan na* ipatey to.+

19 Say toon mipepetang so ulo to et nadusa lapud satan;

No salien mon isalba, ulit-uliten mon gawaen itan.+

20 Dengel kad simbawa tan awat moy disiplina,+

Pian magmaliw kan marunong diad arapen mo.+

21 Diad puso na sakey a too et dakel iray plano to,

Balet say gagala* nen Jehova so ontalona.+

22 Say pakakasagyatan ed sakey a too et say matoor a panangaro to;+

Tan mas maong ni magmaliw a mairap-bilay nen say magmaliw a matila.

23 Say takot ed si Jehova et mangitonton ed bilay;+

No wala itan ed sakey et balibali painawa to tan anggapoy mauges a nagawad sikato.+

24 Say mangiras et iiyan toy lima to ed yaong,

Balet agto anggan labay ya itagey itan pian isubod sangi to.+

25 Lewet moy mabalaw,+ pian say andiay kakabatan et magmaliw a marunong,+

Tan ipetek mo so makatalos, pian naaruman so kakabatan to.+

26 Say anak ya aliwliway panagtrato tod ama to tan patataynanen toy ina to

Et makapabaing tan mangiiter na kabandayan.+

27 Ana’ko, no tundaan mon dengelen so disiplina,

Niyarawi ka ed saray salita na kakabatan.

28 Say andi-kakanaan a testigo et leleglemewen toy hustisya,+

Tan say sangi na mauges et aakmonen toy kaugsan.+

29 Say panangukom et akaparaan parad saray mabalaw,+

Tan saray lewet parad beneg na saray makulangkulang.+