Salmo
71 O Jehova, sikay pansasalimbengan ko.
Agak balot komon niiyan ed kababaingan.+
2 Iliktar mo ak komon tan isalbam ak lapud inkatunong mo.
Ikiling mo pad siak so layag mo* tan iliktar mo ak.+
3 Komon ta magmaliw kan baton panag-amotan ko
A sarag kon laen a naynay.
Iganggan mo komon a niliktar ak,
Ta sika so baleg a batok tan say salimbengan ko.+
4 O Dios ko, iliktar mo ak pad lima na mauges,+
Diad lima na samay agmatunong a managpairap.
5 Ta sikay paniilaloan ko, O Soberanon Katawan a Jehova;
6 Mandedepende ak ed sika manlapu lad inkiyanak ko;
Sikay angipaway ed siak ed eges nen inak.+
Lanang ta kan idadayew.
7 Singa ak sakey a milagro parad dakel,
Balet sika so malet a salimbengan ko.
8 Say sangik et napno na panangirayew ed sika;+
Inagew-agew kon ipapaamta so nipaakar ed karakpan mo.
10 Saray kakabusol ko et nantotongtong sumpad siak,
Tan saramay malabay a mamatey ed siak* et nankokomplot ira,+
11 Ya ibabaga ra: “Pinaulyan la na Dios.
Usilan tayo tan erelen tayo, ta anggapoy mangiliktar ed sikato.”+
12 O Dios, agka komon mansiasiansian arawi ed siak.
O Dios ko, tulongan mo ak pan tampol.+
Komon ta saramay malabay a mamasakit ed siak
Et nasakbongan na kabandayan tan kababaingan.+
14 Balet siak, agak ontundan manalagar;
Mas lalo ta ka nin idayew.
15 Say sangik et isalaysay toy inkatunong mo,+
Say panangiliktar mo diad kada agew,
16 Onla ak tan ibagak so nipaakar ed makapanyari iran gawam,
O Soberanon Katawan a Jehova;
Say inkatunong mo labat so salitaen ko.
17 O Dios, manlapu lad inkaugaw ko et ibabangat mo ak la,+
Tan anggad natan et iyaabawag ko ray makapakelaw a gawam.+
18 Anggan sano matatken tan ubanan ak la, agmo ak komon papaulyan, O Dios.+
Abuloyan mon ipaamtak ed onsublay a henerasyon so nipaakar ed pakayarim*
Tan say nipaakar ed biskeg mo diad onsabin henerasyon.+
19 Say inkatunong mo, O Dios, et makakasabi anggad tawen;+
Nanggawa ka na makapakelaw iran bengatla;
O Dios, siopay makapipara ed sika?+
21 Komon ta aruman moy kagalangan ko
Tan salimbengan tan ligliwaen mo ak.
22 Diad ontan et idayew ta ka diad pantogtog koy nandeles ya instrumento
Lapud inkamatoor mo, O Dios ko.+
Kansionan ta ka na panangidayew a binansagay* arpa,
O Masanton Dios na Israel.
23 Say bibil ko et oneyag ed liket diad pangansion ko na panangidayew ed sika,+