Eclesiastes
12 Nonot mo sirin so Makapadinayew a Manamalsam legan a wala ka nid kalangweran,+ antis ya onsabi iray makapagonigon ya agew+ tan saray taon sano ibagam: “Agak naliliketan”; 2 antis ya ombilunget so agew tan say liwawa tan say bulan tan saray bitewen,+ tan ompawil iray lurem kayari* maksil ya uran; 3 sano saray bantay* na abung et manggiwgiw la, tan saray mabibiskeg a lalaki et akayuko la, tan saray bibii et tinmunda lan manggiling lapud dinmaiset la ra, tan saray bibiin ontatandag ed bintana et ambilunget lay nanenengneng da;+ 4 sano saray puerta a mamaarap ed karsada et akasara la, sano say tanol na gilingan et kinmalna la, sano say sakey et nababangon diad uni labat na siwit, tan saray bibiin komakansion et ngalngali agla narengel.+ 5 Ontan met, say sakey et antakot lad atagey a pasen, tan wala ray pakakakebbiewan to diad karsada. Tan say kiew ya almendro et manrorosas la,+ tan say duron et igagayugoy to lay laman to, tan say bunga na alcaparra et binmetag la, lapud say too et mamapaarap lad permanentin abung to+ tan saray totoon maneermen et manaakar lad karsada;+ 6 antis a napultot so pilak a lubir, tan nabetag so balitok a yaong, tan napisit so buyog ed kawalaay subol, tan naderal imay singa dalig* a pangaagwat na danum ed bobon. 7 Insan say dabok et ompawil lad dalin,+ a singa dati, tan say espiritu* et ompawil ed tuan Dios ya angiter ed satan.+
8 “Talagan andi-kakanaan!”* kuan na managbangat.+ “Amin a bengatla et andi-kakanaan.”+
9 Say managbangat et aglabat nagmaliw a marunong noagta intultuloy to met ya imbangat ed totoo so amta to,+ tan sikatoy nandalepdep tan nanusisan maong ta pian natipon* to so dakel a proverbio.+ 10 Say managbangat et nanseetan toy pananap na makapaliket iran salita+ tan say suston pangisulat ed saray salita na katuaan.
11 Saray salita na marurunong et singa saray panagdugsol na baka,+ tan saramay kinolekta ran salita et singa saray pasak ya impanek a maong; saratan a salita et nanlapud sakey a pastol. 12 Niarum ed saraya, ana’ko, imanom met iyan pasakbay: Anggapoy tunday pansusulat na dakdakel a libro, tan makapakesaw ed laman so pagmaliw ya okupadon maong ed saratan.+
13 Diad amin a nadngelan, say konklusyon et: Takotan moy tuan Dios+ tan unor mo ray ganggan to,+ ta saya so manunan obligasyon na too.+ 14 Ta say tuan Dios so mangukom ed kada gawa, ontan met ed kada akaamot a bengatla, no kasin maong odino mauges itan.+