Proverbio

 2 Kigloriaan na Dios so pangisekreto ed sakey a bengatla,+

Tan kigloriaan na arari so pangusisa ed sakey a bengatla.

 3 No panon ya atagtagey so tawen tan araldalem so dalin,

Ontan met ya agnausisa so puso na arari.

 4 Ekalan moy dutak so pilak,

Pian sigpot itan a napapuro.+

 5 Ekal mod arapan na ari so sakey a mauges,

Pian say trono to et niletneg a malet diad inkatunong.+

 6 Agmo papagalangan so sarilim diad arap na ari,+

Tan agka oonlad kawalaan na saray prominente,+

 7 Ta magmaong nin ibaga tod sika, “Gala diad abay ko,”

 8 Agka manggaganat a mangisegep na kasom diad korte,

Ta antoy gawaen mo naani no pabaingan ka na kaabay mo?+

 9 Itongtong moy kasom ed kaabay mo,+

Balet agmo ipapaamta iray sekreton imbagad sika,*+

10 Pian agka iyan ed kababaingan na samay ondedengel

Tan agka makapangikayat na mauges a balita* ya agla nababawi.

11 Singa saray mansanas a balitok ed pilak a pananginan

So salitan imbalikas ed dugan panaon.+

12 Singa ikaw a balitok tan parakep a gawad maabig a klasen balitok

So sakey a marunong a manangipetek diad samay mabulos ya ondengel.+

13 Singa ed betel na niebe diad panaon na panag-ani

So matoor a mensahero ed saramay angibakid sikato,

Ta sikatoy makaparepresko ed katawan to.*+

14 Singa saray lurem tan dagem ya agmangipepelag na uran

So sakey a toon mangilalastog ed regalon agbalot inter.*+

15 Diad inkaanos et natangguyor so komandante,

Tan say dilan mauyamo* et naputer toy pukel.+

16 No akaromog kay dilo, mangan ka labat na dugaruga,

Ta no nalabas mo, ompan iyutam lanlamang.+

17 Agka mabetbet ya oonla ed abung na kaabay mo,

Pian ag-onsawad sika tan agto ka busolen.

18 Singa pekpek tan espada tan mautok a pana

So sakey a testigo a palsoy ibabaga to sumpad kaabay to.+

19 Singa ed abunger a ngipen tan mankidwas a sali

So panmatalek ed sakey a toon agnapanmatalkan* diad panaoy kairapan.

20 Singa sakey a manlalakseb ed panaoy ambetel

Tan singa tukan inkalbo ed kemikal a soda

So sakey a kakansionan toy puson maer-ermen.+

21 No say kabusol mo* et narasan, ikdan moy tinapay a kanen to;

No napgaan, ikdan moy danum ya inumen to,+

22 Diad ontan et bubuntonan mo na mandarlang iran ngalab so ulo to,*+

Tan tumangan ka nen Jehova.

23 Say dagem ed amianen et mamapawalay maksil ya uran,

Tan say dilan matsismis et mamapawalay lupan mapasnok.+

24 Mas maong ni manayam ed sukong na atep

Nen say manayam ed saksakey ya abung a kaibay makolkol* ya asawan bii.+

25 Singa ambetel a danum ed naksawan a kamarerwa*

So maong a balita a nanlapud arawin bansa.+

26 Singa mapitek a subol tan aderal a bobon

So sakey a matunong a padadaeg ed* mauges.

27 Aliwan maong so alablabas a pangan na dilo,+

Tan agkigloriaan na sakey so pananap toy dilin kigloriaan to.+

28 Singa syudad ya alooban, ya anggapoy padir to,

So sakey a toon agto nakontrol so petang na ulo to.*+