Salmo

34 Idayew koy Jehova diad amin a panaon;

Agak ontundan mangidayew ed sikato.

 2 Ipasirayew ko* so nipaakar ed si Jehova;+

Saray mauyamo et ondengel tan manliket.

 3 Itandoro tayo si Jehova;+

Igloria tayon amin so ngaran to.

 5 Saramay maniilalo ed sikato et linmigsay lupa ra;

Ag-iran balot niiyan ed kababaingan.

 7 Say anghel nen Jehova et babantayan to iramay* ontatakot ed Sikato,+

Tan isasalba to ra.+

 8 Tawayan yo tan nengneng yo a si Jehova et maong;+

Maliket so toon pasasalimbengan ed sikato.

 9 Takotan yo si Jehova, amin yo a masanton totoo to,

Ta ag-onkukulang na antokaman iramay ontatakot ed sikato.+

10 Anggan saray mabiskeg tan malangwer a leon et nanaerasan;

Balet saramay manaanap ed si Jehova et ag-onkulang na antokaman a maabig.+

11 Gali dia, ananak ko, dengel kayod siak;

Ibangat ta kayon ontakot ed si Jehova.+

12 Siopa ed sikayo so naliliketan ed bilay

Tan labalabay ton nanengneng so dakel a makapaliket ya agew?+

13 Pokpokan mo sirin so dilam ed pansalita na mauges,+

Tan say bibil mo ed pansalita na panamalikdo.+

14 Ipulisay mo so kaugsan tan gawam so kamaongan;+

Anap moy kareenan tan panggunaetan mon mansiansia itan.+

15 Saray mata nen Jehova et onnenengneng ed saray matunong,+

Tan saray layag to et ondedengel ed ikekerew day tulong.+

16 Balet si Jehova et onsusumpad saramay manggagawa na mauges,

Pian naandi ed dalin so amin a pakanodnonotan ed sikara.+

17 Saray matunong et tinmawag, tan nadngel nen Jehova,+

Inliktar to ra ed amin a pakakagonigonan da.+

18 Si Jehova et asingger ed samay asugatay puso to;+

Ililiktar to iramay nagogonigon so espiritu ra.*+

19 Dakel so pakakairapan na matunong,+

Balet sikatoy isasalba nen Jehova ed saratan ya amin.+

20 Proprotektaan Toy amin a pukel to;

Anggapoy anggan sakey ed saratan so aputer.+

21 Say mauges et ompatey ed desyang;

Saramay mamubusol ed matunong et nadusa.

22 Dodondonen nen Jehova so bilay* na saray lingkor to;

Anggapoy nadusa ed saramay pasasalimbengan ed sikato.+