Proverbio
20 Say alak et mabalaw,+ say de-alkohol ya iinumen et magulo;+
Siopaman a nibabalang da et aliwan marunong.+
2 Say takot a papawalaen* na ari et singa panngernger na leon;*+
Siopaman a managyat ed sikaton onsanok et ipepeligro toy bilay to.+
3 Kagalangan parad sakey a too so ipaliis ed sangsangan,+
Balet siopaman a makulangkulang et mibabali ed satan.+
4 Say mangiras et agmanbabaka diad ambetel a panaon,
Kanian sikatoy mipayabol no panag-ani sano andian a balot.*+
6 Dakel a totoo so mangiyaabawag ed matoor a panangaro ra,
Balet wala kasi toon naromog a matoor?
7 Say matunong et manaakar a walaay integridad.+
Maliket iray ananak* to a manumtumbok ed sikato.+
8 Sano akayurong so ari ed trono to pian mangukom,+
Nibibiig to lay amin a kaugsan diad inengneng to labat.+
10 Saray masaol a panagsimbang tan saray aliwan suston panagsukat*
—Pareho irayan kabkabusol nen Jehova.+
11 Anggan say sakey ya ugaw* et nakabat diad saray kiwas to,
No kasin malinis tan duga so kagagawa to.+
12 Say layag ya ondedengel tan matan onnenengneng
—Pareho irayan ginawa nen Jehova.+
13 Agmo aaroen so ugip, pian agka manirap.+
Ilukas mo ray matam, et napesel ka ed tinapay.+
14 “Aliwliwa, aliwliwa!” kuan na managsaliw;
Insan la onalis tan sikatoy manlastog.+
16 Alam so kawes na sakey a too no insipan ton ebatan so utang na agkabat a too;+
Alam ed sikato so pinagkagarantiya no ginawa to itan parad dayon bii.*+
17 Say tinapay a nalad panagsaol et masamsamit ed sakey a too,
Balet kayari na satan et napanoy sangi to na batobato.+
18 No walay pantotongtong,* nasumpal* iray plano,+
Tan no walay makabat a panangigiya, mibiang kad guerra.+
19 Samay managpauges et manliliberliber pian ipaamta toy kompidensyal a tongtongan;+
Agka miuulop ed samay labalabay toy mantsismis.*
20 Siopaman a mangayew ed ama tan ina to,
Naerep so silew to kasabi bilunget.+
21 Anggano onyaman natan so toon maagum,
Aglanlamang nabendisyonan diad arapen.+
22 Agmo ibabaga: “Ombales ak na mauges!”+
Manilalo kad si Jehova,+ tan tulongan to ka.+
23 Saray masaol a panagsimbang* et kabkabusol nen Jehova,
Tan saray aliwan suston panagsukat et makapuy.
24 Saray kupbang na sakey a too et iwawanwan nen Jehova;+
Panon a natalosan na sakey a too so mismon dalan to?*
25 Patit ed sakey a too so maganat a pangibagay, “Masanto!”+
Insan to labat nonoten so insipan to kayari na satan.+
27 Say ingas na sakey a too so pinagkasilew nen Jehova
A manguusisa ed sankadaleman ya inkatoo to.
28 Say matoor a panangaro tan katooran so manasalimbeng ed ari;+
Diad matoor a panangaro et napansiasiansia toy trono to.+
29 Say kagalangan na saray kalangweran et say biskeg da,+
Tan say karakpan na mamatatken et say uban da.+
30 Saray sireg ed laman tan sugasugat so mangeekal ed kaugsan,+
Tan saray lewet so manlilinis ed sankadaleman ya inkatoo na sakey.