Salmo

65 O Dios, manaalagar ed sika so panangidayew diad Sion;+

Tooren mi ray sipan mid sika.+

 3 Dinaeg ak na saray lingok,+

Balet sasakbongan mo ray kasalanan mi.+

 4 Maliket so toon pipilien tan iyaasingger mo

Pian manayam ed saray sular na templom.+

Napenek kami ed maabig iran bengatla a walad abung mo,+

Say masanton templom.*+

 5 Ebatan mo kami diad panamegley na makapakelkelaw iran gawa+ na inkatunong,

O Dios na kilalaban mi;

Sikay Kompiyansa na amin a totoo ed interon dalin,+

Tan saramay walad arawi diad kadayatan.

 6 Diad pakayarim et inletneg mo* a malet so kapalandeyan;

Sikay* akawesan na biskeg.+

 7 Padedeenen mo* so manungol a kadayatan,+

Say sipwak na saray daluyon da tan say panggugulo na saray nasyon.+

 8 Saray manaayam ed nisulinek iran pasen et mandinayew ed saray tandam;+

Saramay manlalapud bubutayan na agew ya anggad seselekan to et paeyagen mod liket.

 9 Aasikasoen mo so dalin,

Pambubungaen mo itan na dakdakel* tan payayamanen mon maong.+

Papanoen mo na danum iray ilog.

Itataryaan moy naakan iray totoo,+

Ta ontan so pangipaparaan mo ed dalin.

10 Leleteben mo ray gulis na binaka tan plaplastadoen mo ray binakan dalin;

Palelemeken mo itan ed uran; bebendisyonan mo ray ontutubo ditan.+

11 Pararakepen moy taon ed kamaongan mo;

Saray basbas mo et manleppua ed inkadaakan.*+

12 Saray panagpastolan diad kalawakan et manleppua,*+

Tan saray kapukdolan et akawesan na liket.+

13 Saray panagpastolan et napno na saray pulok,

Tan saray lawak* et naapisan na trigo.+

Maneyag irad liket, on, mangakansion ira.+