Salmo

143 O Jehova, dengel mo pay pikakasik;+

Dengel mo pay ikekerew koy tulong.

 2 Agmo komon iloloob so lingkor mo ed panangukoman mo,

Ta anggapoy toon mabilay a nayarin magmaliw a matunong diad arapan mo.+

 3 Ta uusilan ak* na kabusol;

Inggatin-gatin to ak* ed dalin.

 4 Makapkapuy lay espirituk;*+

Anggapo lay nalilikna na pusok.+

 5 Nanononotan ko ray agew nensaman;

Dadalepdepen ko ray amin a ginawam;+

Labalabay kon nodnonoten* iray kimey na limam.

 6 Iyuunat ko ray limak diad pampipikasik ed sika;

Singa ak* amagaan a dalin a napgaan ed sika.+ (Selah)

 7 Ebatan mo ak komon a tampol, O Jehova;+

Naupot lay kasil ko.*+

Agmo komon iyaamot so lupam ed siak+

Pian agak magmaliw a singa saramay onlalasur ed abot.*+

 8 Diad kabuasan et iparengel mo komon ed siak so matoor a panangarom,

Ta manmamatalek ak ed sika.

Ipaamtam komon ed siak so dalan a nepeg kon panakaran,+

Ta sika so aasinggeran ko.*

10 Ibangat mo ak pan manggaway linawam,+

Ta sika so Dios ko.

Say espiritum et maomaong;

Komon ta itonton ak na satan diad patar a dalin.*

12 Panganggaen* mo komon iray kakabusol ko unong ed matoor a panangarom;+

Deral mo komon ya amin iramay mangogonigon ed siak,*+

Lapud lingkor mo ak.+