Salmo
Parad direktor. Kansion nen David.
31 O Jehova, sikay pansasalimbengan ko.+
Agak balot komon niiyan ed kababaingan.+
Iliktar mo ak pa lapud inkatunong mo.+
2 Ikiling mo pad siak so layag mo.*
Iliktar mo ak komon a tampol.+
Magmaliw ka komon a palandey a salimbengan ko,
Sakey a malet a pasen a mangisalbad siak.+
3 Ta sika so baleg a batok tan say salimbengan ko;+
6 Kabusol ko iramay mandadayew ed andi-kakanaan iran idolo,
Balet siak, manmamatalek ak ed si Jehova.
7 Panliketan kon maong so matoor a panangarom,
Ta nanenengneng moy paniirap ko;+
Amtam so pinasyan pakakagonigon ko.*
8 Agmo ak inyawat ed kalaban,
Noagta pinaalagey mo ak ed maligen a pasen.*
9 Kasian mo ak, O Jehova, ta nagogonigon ak.
Lapud irap a naliliknak et kinmapuy so matak,+ pati say interon laman ko.*+
Nanaupot so kasil ko lapud impakalingok;
Onkakapuy iray pukel ko.+
11 Mumudmoraen ak na amin ya onsusumpad siak,+
Nagkalalo la ed saray kakaabay ko.
Tan natatakot ed siak iramay kabat ko;
Ibabatikan da ak sano nanengneng da ak ed publikon pasen.+
12 Naandi ak lad puso* da tan alingwanan da ak la, singa ak la inatey;
Singa ak abetag a banga.
13 Dakdakel so narerengel kon labir-labir a makaderal;+
Makapataktakot so walad kaliberliber ko.
14 Balet manmamatalek ak ed sika, O Jehova.+
Ibabagak: “Sika so Dios ko.”+
15 Walad limam so bilay* ko.
Iliktar mo ak pad lima na saray kakabusol ko tan ed saramay mamapasegsegang ed siak.+
16 Paliwawam pay lupam ed lingkor mo.+
Isalbam ak pa lapud matoor a panangarom.
17 O Jehova, agak komon nabaingan sano ontawag ak ed sika.+
18 Agla komon makapansalita so matilan bibil,+
Say bibil a mamaong a mansalita sumpad matunong, a mapaspasirayew tan andian na respeto.
19 Ontan lay kabaleg na kamaongan mo!+
Ingganam itan parad saramay ontatakot ed sika,+
Tan impatnag mo itan diad pakanengneng na amin a totoo, parad saramay pasasalimbengan ed sika.+
21 Narayew komon si Jehova,
Ta diad makapakelaw a paraan et impatnag toy matoor a panangaro to+ sanen wala ak ed akubkob a syudad.+
22 Et siak, ataktakot ak tan inkuan ko:
“Ompatey ak ed arapan mo.”+
Balet dinengel moy ikekerew koy tulong sanen tinmawag ak ed sika.+