Esdras

7 Kayari na sarayan bengatla, legan na uley nen Arin Artaxerxes+ na Persia, pinmawil si Esdras.*+ Sikatoy anak nen Seraias,+ ya anak nen Azarias, ya anak nen Hilkias,+ 2 ya anak nen Salum, ya anak nen Zadok, ya anak nen Ahitub, 3 ya anak nen Amarias, ya anak nen Azarias,+ ya anak nen Meraiot, 4 ya anak nen Zerahias, ya anak nen Uzi, ya anak nen Buki, 5 ya anak nen Abisua, ya anak nen Finehas,+ ya anak nen Eleazar,+ ya anak nen Aaron+ a manunan saserdote. 6 Sayan Esdras et nanlapud Babilonia. Sikatoy sakey a managkopya* a marundunong ed* Ganggan nen Moises,+ samay inter nen Jehova a Dios na Israel. Impagamor na ari so amin a kinerew to, ta say lima nen Jehova a Dios to et walad sikato.

7 Arum ed saray Israelita, saray saserdote, saray Levita,+ saray managkansion,+ saray bantay na puerta,+ tan saray lingkor ed templo*+ et linmad Jerusalem diad komapiton taon na uley nen Arin Artaxerxes. 8 Tan si Esdras et akasabid Jerusalem diad komaliman bulan, diad komapiton taon ya uley na ari. 9 Ginapoan toy manbiahe manlapud Babilonia diad unonan agew na unonan bulan, tan diad unonan agew na komaliman bulan et sikatoy akasabid Jerusalem, ta say lima na Dios to et walad sikato.+ 10 Imparaan nen Esdras so puso to* ya aralen so Ganggan nen Jehova tan iyaplika itan,+ tan ibangat iray wadtan a totontonen tan panangukom diad Israel.+

11 Nia so kopya na sulat ya inter nen Arin Artaxerxes ed kinen Esdras a saserdote tan managkopya,* sakey ya eksperto ed panag-aral* na saray ganggan nen Jehova tan saray inter ton totontonen ed Israel:

12 * “Artaxerxes,+ say ari na saray arari, parad si Esdras a saserdote, say managkopya* na Ganggan na Dios na tawen: Niwala komon ed sika so sigpot a kareenan. Et natan 13 ingganggan ko ya amin a walad sakop kon totoo na Israel tan saray saserdote ra tan saray Levita a malabay a mila ed sika diad Jerusalem et nepeg ya onla.+ 14 Ta sikay imbaki na ari tan say pitoran mananimbawa to pian usisaen mo no kasin say Ganggan na Dios mo a walad sika* et uunoren ed Juda tan Jerusalem, 15 tan awiten mo ray pilak tan balitok a boluntaryon inter na ari tan saray mananimbawa to parad Dios na Israel, a manaayam ed Jerusalem, 16 pati say amin a pilak tan balitok a naaawat* mo ed amin a probinsya* na Babilonia, ontan met iray regalo a boluntaryon iiter na totoo tan saray saserdote parad abung na Dios da, a walad Jerusalem.+ 17 Tan sayan kuarta et nepeg mon isaliw a tampol na saray kalakian a baka,+ kalakian a karnero,+ kordero,+ tan saray apay a kakanen+ tan saray apay ya iinumen a kaiba na saratan,+ tan iyapay mo iratan diad altar na abung na Dios yo ed Jerusalem.

18 “Tan antokaman so iisipen mon maabig ed sika tan ed saray agagim, gawam diad panamegley na saray keran pilak tan balitok, unong ed linawa na Dios yo. 19 Tan amin a pananginan ya inter ed sika parad panaglingkor ed abung na Dios mo et iyakar mon amin ed arapan na Dios mo diad Jerusalem.+ 20 Tan saray arum nin nakaukolan ed abung na Dios mo ya obligasyon mon iter et alaen mo ed pananginay kayamanan na ari.+

21 “Siak, si Arin Artaxerxes, so mangigaganggan ed sikayon amin a tresurero diad rehyon a walad Nibaliw na Ilog,* ya antokaman so kerewen ed sikayo nen Esdras+ a saserdote, say managkopya* na Ganggan na Dios na tawen, et iter yon tampol, 22 anggano 100 a talento* a pilak, 100 a sukat a cor* na trigo, 100 a sukat a bat* na alak,+ 100 a sukat a bat na larak,+ tan say asin,+ anggan panon karakel itan. 23 Amin ya ingganggan na Dios na tawen parad abung to et nepeg a maseseg a gawaen,+ pian sikatoy ag-onsanok ed saray sakop na ari tan ed saray anak ton lalaki.+ 24 Tan imbilin ni ed sikayo a saray saserdote tan saray Levita, saray managtogtog,+ saray bantay na puerta, saray lingkor ed templo,*+ tan saray komikimey ed sayan abung na Dios et agnayarin pambayaren na personal a buis, buis ed saray produkto,+ odino buis ed idadalan ed saray karsada.

25 “Tan sika Esdras, unong ed karunongan mo a nanlapud Dios mo,* et manuro ka na saray mahistrado tan saray ukom a mangukom ed amin a totoo diad rehyon a walad Nibaliw na Ilog, amin iramay makaamta ed saray ganggan na Dios mo; tan ibangat mo so siopaman ya agmakaamta ed saratan.+ 26 Tan siopaman ya agmangunor ed Ganggan na Dios mo tan say ganggan na ari et nepeg a sentensiaan a tampol, balanglan sikatoy pateyen, pataynanen, panmultaen, odino ipriso.”

27 Narayew komon si Jehova a Dios na saray inmuunan atateng tayo, ya inyan tod puso na ari so pamarakep ed abung nen Jehova diad Jerusalem!+ 28 Tan lapud matoor a panangaro tod siak, agamoran koy pabor na ari,+ saray mananimbawa to,+ tan amin a makapanyarin prinsipe na ari. Kanian akapampakpel ak* lapud walad siak so suporta* nen Jehova a Dios ko, tan manlapud totoo na Israel et anipon ak na saray manunan lalaki* pian milad siak.