Salmo
Parad direktor. Kansion nen David a lingkor nen Jehova. Saray salita na sayan kansion et imbalikas tod si Jehova sanen sikatoy inliktar nen Jehova ed lima na amin a kabusol to tan ed lima nen Saul. Imbaga to:+
18 Inar-aro ta ka, O Jehova, say biskeg ko.+
2 Si Jehova so baleg a batok tan say panag-amotan ko tan samay mangililiktar ed siak.+
Say Dios ko so batok+ a pansasalimbengan ko,
Say samper ko tan saklor* na kilalaban ko,* say maligen a salimbengan* ko.+
3 Ontawag ak ed si Jehova, a makanepegan na dayew,
Tan niliktar ak ed saray kakabusol ko.+
6 Tinmawag ak ed si Jehova lapud agonigon ak,
Agak tinmundan kinmerew na tulong ed Dios ko.
7 Et yinmegyeg tan minmayegmeg so dalin;+
Atenyeg iray pundasyon na saray palandey
Tan yinmugayog iratan lapud sikatoy asanokan.+
8 Inmasewek so eleng to,
Tan pinmaway ed sangi to so apoy a mangupot;+
Pinmaway ed sikato iray ngalab a mandarlang.
10 Sikatoy tinmikyab ya akalugan ed sakey a kerubin.+
Mapmaples ya amaleksab legan a walad saray payak na sakey ya espiritun pinalsa.*+
11 Insan sikatoy sinmanib ed kabilungetan,+
Akapaliber ed sikato so pinagka-ayaman to,
Saray andekereket tan makapal a lurem.+
12 Manlapud liwawa a walad arapan to,
Saray uran a kristal tan mandarlang a ngalab et tinmatalos ed saray lurem.
13 Insan pinakarol nen Jehova ed tawen;+
Imparengel na Sankatagyan so boses to+
A wala ray uran a kristal tan mandarlang a ngalab.
15 Anengneng iray dalem na ilog;*+
Pinmaway iray pundasyon na dalin diad pasnok mo, O Jehova,
Diad kakasil na ingas a nanlapud eleng mo.+
16 Manlapud tagey et inggawat toy lima to;
Binembenan to ak tan inagwat to ak ed aralem a danum.+
17 Inliktar to ak ed samay mabiskeg a kalaban ko,+
Ed saramay mamubusol ed siak, a mas mabiskeg nen siak.+
18 Inataki da ak diad agew na paniirap ko,+
Balet si Jehova so tinmulong ed siak.
20 Tutumangan ak nen Jehova unong ed inkatunong ko;+
21 Ta tinumbok ko ray dalan nen Jehova,
Tan agak nanggaway mauges, agko tinaynan so Dios ko.
22 Amin a panangukom to et walad arapan ko;
Agko ibaliwala iray inter ton totontonen.
24 Balesen ak komon nen Jehova unong ed inkatunong ko,+
Unong ed nanenengneng ton inkalinis na panagbilay ko.+
25 Diad samay matoor et onkikiwas kan matoor;+
Diad toon andiay pakabalawan et midedeneng kan andiay pakabalawan;+
26 Diad samay malinis et ipapatnag moy inkasikan malinis,+
Balet diad samay pikewet so panagbilay to et ipapatnag moy inkasikan masilib.+
28 Ta sikay maneselsel ed lamparaan ko, O Jehova,
Say Dios ko a mamapaliwawa ed kabilungetan ko.+
Sikatoy sakey a samper ed amin a manpapasalimbeng ed sikato.+
31 Ta siopa so Dios noag si Jehova?+
Tan siopa so bato noag say Dios tayo?+
33 Saray salik et gagawaen ton singa sali na ulsa;
Papaalageyen to ak diad atagey iran pasen.+
34 Ipapasal to ray limak a milaban;
Sarag a pinaten na saray taklay ko so gansan pana.
35 Ilalaban mo ak diad panamegley na panagsamper mo,+
Susuportaan* ak na kawanan a limam,
Tan say inkamapaabebam so mangiyaatagey ed siak.+
37 Usilan ko ray kakabusol ko tan naabotan ko ra;
Agak ompawil anggad ag-ira naupot.
38 Kabilen ko ra anggad agla ra makabangon;+
Nabaktar irad salian ko.
39 Ikdan mo ak na biskeg a milaban;
Itumbam ed salian ko iray kalaban ko.+
41 Onkekerew iray tulong, balet anggapoy mangililiktar ed sikara;
Ontatawag ni ra ingen ed si Jehova, balet agto ra eebatan.
42 Mekmeken ko ra anggad magmaliw iran singa dabok ed dagem;
Ibantak ko ra a singa pitek ed saray karsada.
43 Iliktar mo ak ed panaanap na saray totoo ed kalilingoan ko.+
Gawaen mo ak a pangulo na saray nasyon.+
Saray totoon agko kabat et manlingkor ed siak.+
44 Anggan narengelan da labat et ontulok la rad siak;
Saray dayo et onsingger ed siak a mankebet ira ed takot.+
45 Naandiay kasil na linawa* iray dayo;
Manggiwgiw iran ompaway ed saray panag-amotan da.
46 Si Jehova et mabilay! Narayew komon so Batok!+
Nitandoro komon so Dios na kilalaban ko.+
47 Say tuan Dios so ombabales parad siak;+
Ipapasakop tod siak iray totoo.
48 Ililiktar to ak ed saray onsasanok a kalaban ko;
Iyaatagey mo ak sumpad saramay onaatakid siak;+
Iyaagel mo ak ed maruksan too.
49 Kanian igloria ta ka ed limog na saray nasyon, O Jehova,+