Salmo
94 O Jehova, say Dios a manangibales,+
O Dios a manangibales, onsinag ka komon!
2 Alagey ka komon, O Ukom na dalin.+
Ibales mo komon ed saray mapaatagey no antoy manepeg ed sikara.+
3 Anggad kapigan, O Jehova,
Anggad kapigan mansiansian maliket iray mauges?+
4 Labir la ran labir tan mamaong iran mansalita;
Amin a manggagaway mauges et ipapasirayew day inkasikara.
5 Papairapen da ray totoom, O Jehova,+
Tan lalamesen da so tawir mo.
6 Papateyen da ray balon bibii tan saray dayon miaayam,
Pati saray ugugaw ya ulilad ama.
8 Talosan yo ’ya, sikayo ran andiay kalakal;
Sikayo ran makulangkulang, kapigan kayo mangipatnag na pakatebek?+
9 Samay nanggawa na layag, agkasi makarengel?
Samay nanggawa na mata, agkasi makanengneng?+
10 Samay mangipepetek ed saray nasyon, agto kasi sarag so mandisiplina?+
Sikato so mangiiter na kakabatan ed totoo!+
11 Amta nen Jehova iray kanonotan na totoo,
A saratan et singa labat ingas.+
12 Maliket imay too ya ipepetek mo, O Jah,+
Ya ibabangat mo ed ganggan mo,+
13 Pian sikatoy nawalaan na kareenan diad panaoy kairapan,
Anggad sano wala lay akotkot ya abot parad mauges.+
15 Ta say panangukom et magmaliw lamet a matunong,
Tan tumboken itan na amin a maptek-impanpuso.
16 Siopay mangilaban ed siak ed saray marelmeng?
Siopay mangiyagel ed siak ed saray manggagaway mauges?
18 Sanen imbagak: “Nakakarunyas so salik,”
Say matoor a panangarom, O Jehova, et naynay a manusuporta ed siak.+
20 Nayari kasin mialyado ed sika so trono na kurapsion*
21 Manggagawa ray maruksan panangataki ed matunong*+
Tan sesentensiaan da a manepeg ed ipapatey so andiay kasalanan.*+
23 Ipawil tod sikara iray mauges a gagawaen da.+
Panganggaen* to ra diad panamegley na mismon kaugsan da.