Kristianon Dedikasyon

1. Lapud Jehova’y amalsa

Ed engranden talba,

Tawen tan dalin kien to ’ra,

Sikatoy nanggawa.

Linaway bilay inter to

Ed saray palsa to.

Sirin kanepegan toy galang,

Amin a dayew kien to.

2. Si Jesus so abautismoan

Pian tunong sumpalen.

Diad pikakasi toy inkuan:

‘Linawam gawaen.’

Manlapud Jordan tinmatdang

Bilang alanaan,

Manserbin matoor, matulok,

Dios so makankayarian.

3. Wadia kami, O Jehova,

Pian idayew mi ka.

Diad inkamapaabeba,

Bilay indedika.

Say bogbogtong ya Anak mo,

Intaryam ya apay.

Sika lay akankie’d sikami,

’Patey man o manbilay.