Labay Mo Ni Lalon Makaaral?

Iprepresenta na sayan brosyur so sumaryo na mensahe a naromog ed Biblia. Balet, say gagala na sayan sumaryo et aliwan pian ipaliwawan detalyado so ibabangat na Biblia ed kada tema.

Alimbawa, nayarin labay mon naamtaan iray ebat na Biblia ed saray tepet a singa saraya: Peteg kasin mangiyaansakit so Dios ed siak? Antoy nagawa ed sikatayo no ompatey itayo? Panon ak a magmaliw a maliket?

Saray ebat ed sarayan tepet tan arum niran makapainteres a tepet so naromog ed libron Anto so Peteg ya Ibabangat na Biblia? ya impalapag na saray Tasi nen Jehova. Imparaan itan a libro pian sansakey ya aralen so tema ed Biblia. Say ontan a panagaral so ontulong ed sakey pian naromog iray pigaran bersikulo ed Biblia a manutukoy ed sakey a tema.

Basaen odino i-download iyan publikasyon tan/odino man-request na libren panaral na Biblia diad www.pr2711.com/pag.